ଦାଉ ସାଧିଲା ଜ୍ବାଇଁ , ଶଶୁର ଘରେ ଲଗାଇ ଦେଲା ନିଆଁ

ଖୁଣ୍ଟା: ଖୁଣ୍ଟା ଥାନା ଅନ୍ତର୍ଗତ ଗିରିଶଚନ୍ଦ୍ରପୁର ଗ୍ରାମରେ ଜନୈକ ବିଧବା ମହିଳାଙ୍କ ଘରକୁ ତାଙ୍କର ଜ୍ୱାଇଁ ପୋଡିଦେଇଥିବା ନେଇ ବୁଧବାର ସନ୍ଧ୍ୟାରେ ଅଭିଯୋଗ ହୋଇଛି। ଅଭିଯୁକ୍ତ ଜ୍ୱାଇଁ ହେଉଛି ଉଦଳା ଥାନା ଅନ୍ତର୍ଗତ ପିଣ୍ଡରଗଡିଆର କାଳିଚରଣ ମୁର୍ମୁ। ଅଭିଯୋଗ ଅନୁସାରେ ଗିରିଶ୍ଚନ୍ଦ୍ରପୁର ଗ୍ରାମର ସିନଗ ସୋରେନଙ୍କ ଝିଅ ଓ ଜ୍ୱାଇଁ କାଳିଚରଣ ମଧ୍ୟରେ ବିବାଦ ଉପୁଜିବାରୁ କାଲିଚରଣର ପତ୍ନୀ କିଛି ଦିନ ହେବ ନିଜ ପିଲା ମାନଙ୍କ ସହିତ ମାଆ ପାଖରେ ରହୁଥିଲେ। ଗତ ମଙ୍ଗଳବାର ଦିନ କାଳିଚରଣ ଶାଶୂଙ୍କ ଘରେ ପହଞ୍ଚି ଶାଶୂ ସିନଗ ଓ ପତ୍ନୀଙ୍କୁ ବିଭିନ୍ନ ପ୍ରକାର ଧମକ ଦେବାରୁ ରାତିରେ ସିନଗ ତାଙ୍କ ଝିଅ ଓ ନାତି ନାତୁଣୀଙ୍କୁ ନେଇ ଗ୍ରାମର ଅନ୍ୟ ଜଣଙ୍କ ଘରେ ଆଶ୍ରୟ ନେଇଥିଲେ। ବିଳମ୍ବିତ ରାତିରେ ସିନଗଙ୍କ ଘରେ ନିଆଁ ଲାଗିଥିବା ଜଣା ପଡିବା ପରେ ଖୁଣ୍ଟା ଦମକଳ ବାହିନୀର ସହାୟତା ନିଆ ଲିଭାଯାଇଥିଲେ ମଧ୍ୟ ସମସ୍ତ ଆସବାବ ପତ୍ର ଜଳିଯାଇଥିଲା। ଜ୍ୱାଇଁ କାଳିଚରଣ ତାଙ୍କର ଘରକୁ ପୋଡିଦେଇଥିବା ସିନଗଙ୍କ ଅଭିଯୋଗ କ୍ରମେ ପୁଲିସ ଏକ ମାମଲା ରୁଜୁ କରିଛି।