ମୁମ୍ବଇ : ୨୦୨୦ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍) ନିମନ୍ତେ ଖେଳାଳି ନିଲାମ ଆସନ୍ତା ଡିସେମ୍ବର ୧୯ରେ କଲକାତାରେ ହେବ ବୋଲି ଜଣାପଡ଼ିଛି। ମଙ୍ଗଳବାର ଆଇପିଏଲ୍ ଗଭର୍ଣ୍ଣିଂ କାଉନ୍ସିଲର ଏକ ବୈଠକ ମୁମ୍ବଇରେ ଅନୁଷ୍ଠିତ ହୋଇଥିଲା। ଖେଳାଳି ନିଲାମ ଡିସେମ୍ବର ୧୯ରେ କରାଯିବାକୁ ବୈଠକରେ ନିଷ୍ପତ୍ତି ନିଆଯାଇଥିଲା। କଲକାତାରେ ପ୍ରଥମଥର ପାଇଁ ଖେଳାଳି ନିଲାମ ଅନୁଷ୍ଠିତ ହେବାକୁ ଥିବା ବେଳେ ଆଇପିଏଲ୍ ମ୍ୟାଚ୍ ଚିରାଚରିତ ଢଙ୍ଗରେ ଏପ୍ରିଲ୍ ଓ ମେ ମାସରେ ଆୟୋଜନ ପାଇଁ ନିଷ୍ପତ୍ତି ହୋଇଛି।
୨୦୧୯ ଆଇପିଲ୍ ଖେଳାଳି ନିଲାମ ପାଇଁ ପ୍ରତି ଦଳ ୮୨ କୋଟି ଟଙ୍କା ଖର୍ଚ୍ଚ କରିବାକୁ ଗଭର୍ଣ୍ଣିଂ କାଉନ୍ସିଲ ଅନୁମତି ପ୍ରଦାନ କରିଥିବା ବେଳେ ୨୦୨୦ ପାଇଁ ଏହି ଅର୍ଥ ରାଶି ୮୫ କୋଟିକୁ ବଢ଼ାଇ ଦିଆଯାଇଛି। ଗତବର୍ଷ ଖେଳାଳି ନିଲାମ ପରେ ଦିଲ୍ଲୀ କ୍ୟାପିଟାଲ୍ ନିକଟରେ ୮.୨ କୋଟି, ରାଜସ୍ଥାନ ରୟାଲ୍ସ ନିକଟରେ ୭.୧୫ କୋଟି, ଚେନ୍ନଇ ସୁପର କିଙ୍ଗ୍ସ ନିକଟରେ ୩.୨ କୋଟି, କିଙ୍ଗ୍ସ ଏକାଦଶ ପଞ୍ଜାବ ନିକଟରେ ୩.୭କୋଟି, କଲକାତା ନାଇଟ୍ ରାଇର୍ଡସ ନିକଟରେ ୬.୦୫ କୋଟି, ମୁମ୍ବଇ ଇଣ୍ଡିଆନ୍ସ ନିକଟରେ ୩.୫୫ କୋଟି, ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ନିକଟରେ ୧.୮୦ କୋଟି, ସନ୍ରାଇଜର୍ସ ହାଇଦରାବାଦ୍ ନିକଟରେ ୫.୩୦ କୋଟି ଟଙ୍କା ବଳକା ରହିଛି।
Comments are closed.