ନୟାଗଡ଼ : ନୟାଗଡ଼ ଜିଲା ଶରଣକୁଳ ଥାନା ଗୋଡ଼ିପଡ଼ା ଫାଣ୍ଡି ଅଞ୍ଚଳରେ ଶନିବାର ଅପରାହ୍ନରେ ଏକ ଅଭାବନୀୟ ଘଟଣା ଘଟିଛି। ସର୍ଦ୍ଦାର ପଟେଲ ବିଦ୍ୟାପୀଠର ଜଣେ ଶିକ୍ଷୟିତ୍ରୀଙ୍କ ବେକ କାଟିଲା ପରେ ଯୁବକ ଜଣଙ୍କ ନିଜର ବେକକାଟି ଆତ୍ମହତ୍ୟା ଉଦ୍ୟମ କରିଥିବା ଜଣାପଡ଼ିଛି। ଏହି ଘଟଣାପଛରେ ଏକ ତରଫା ପ୍ରେମ ରହିଥିବା ନେଇ ପୁଲିସ ସନ୍ଦେହ କରୁଛି।
ଶିକ୍ଷୟିତ୍ରୀ ଲିଲିମା ବେହେରା ସ୍କୁଲରୁ ଅପରାହ୍ଣ ୫ଟା ବେଳେ ଭଡ଼ାଘରକୁ ଫେରୁଥିବା ବେଳେ ସୁକାନ୍ତ ବେହେରା ନାମକ ଯୁବକ ଏକ ଧାରୁଆ ଅସ୍ତ୍ରରେ ଆକ୍ରମଣ କରିଥିଲେ। ଫଳରେ ଶିକ୍ଷୟିତ୍ରୀଙ୍କ ବେକରେ ଆଘାତ ଲାଗିଛି। ଘଟଣା ସ୍ଥଳରେ ଥିବା କିଛି ଲୋକେ ଶିକ୍ଷୟିତ୍ରୀଙ୍କୁ ଉଦ୍ଧାର କରି ନୟାଗଡ଼ ଚିକିତ୍ସାଳୟକୁ ଆଣିଥିଲେ। ପରେ ସୁକାନ୍ତ ନିଜ ବେକକୁ ଧାରୁଆ ଅସ୍ତ୍ରରେ କାଟିଦେଇଥିବା ପ୍ରତ୍ୟକ୍ଷଦର୍ଶୀ ଗ୍ରାମବାସୀ କହିଛନ୍ତି। ତାଙ୍କୁ ମଧ୍ୟ ନୟାଗଡ଼ ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସା ପାଇଁ ଭର୍ତ୍ତି କରାଯାଇଛି। ପ୍ରାୟ ୮ଟା ୩୦ ସୟମରେ ଶିକ୍ଷୟିତ୍ରୀଙ୍କୁ ଅବସ୍ଥା ଗୁରୁତର ଥିବାରୁ ସେମାନକୁ ପ୍ରାଥମିକି ଚିକିତ୍ସା କରାଯାଇ ଏମ୍ସ ଭୁବନେଶ୍ୱର ହସ୍ପିଟାକୁ ସ୍ଥାନାନ୍ତର କରାଯାଇଛି। ଖବର ପାଇ ଗୋଡ଼ିପଡ଼ା ଫାଣ୍ଡିର ପୁଲିସ ଜିଲ୍ଲା ଚିକିତ୍ସାଳୟକୁ ଆସି ପରିସ୍ଥିତି ଅନୁଧ୍ୟାନ କରିଥିଲେ। ଚିକିତ୍ସାଳୟ ପରିସରରେ ଥିବା ପୁଲିସ୍ କର୍ମଚାରୀଙ୍କ ସୂଚନା ଅନୁଯାୟୀ ଏ ବାବଦରେ ଆମ୍ଭେମାନେ ତଦନ୍ତ ଜାରି ରଖୁଛୁ। ଠିକ୍ ଖବର ଜଣା ପଡ଼ିନାହିଁ। ଶିକ୍ଷୟିତ୍ରୀଙ୍କ ବେକ କାଟିଥିବା ଯୁବକର ଘର କେନ୍ଦ୍ରାପଡ଼ା ପଟାମୁଣ୍ଡାଇ ଅଞ୍ଚଳରେ ବୋଲି ଜଣାପଡ଼ିଛି। ସେ କାହିଁକି ଓ କେଉଁ ଉଦ୍ଦେଶ୍ୟରେ ଆକ୍ରମଣ କରିଥିଲେ ତାହା ସୁକାନ୍ତଙ୍କୁ ପଚରା ଉଚୁରା ପରେ ଜଣାପଡ଼ିବ। ଶିକ୍ଷୟିତ୍ରୀ ଗୋଡ଼ିପଡ଼ାରେ ୮ ବର୍ଷ ଧରି ଘର ଭଡ଼ାରେ ରହି ଆସୁଛନ୍ତି। ତାଙ୍କ ନିଜ ଘର ପୁରୀ ଜିଲ୍ଳା ସାତପଡ଼ା। ସେ ଦୁଇଟି ସନ୍ତାନର ଜନନୀ। ତାଙ୍କ ସ୍ବାମୀ ଓ ପିଲାମାନେ ବାହାରେ ରହୁଛନ୍ତି। ଅଭିଯୁକ୍ତ ଯୁବକ ମଧ୍ୟ ବିବାହିତ ବୋଲି ଜଣାପଡ଼ିଛି। ଏନେଇ ଉଭୟଙ୍କ ପରିବାରକୁ ଖବର ଦିଆଯାଇଛି।
Comments are closed.