ଅଧା ରହିଗଲା ଘର ବାହୁଡା, ଶ୍ରମିକ ସ୍ପେଶାଲ ଟ୍ରେନରେ ମହିଳାଙ୍କ ମୃତ୍ୟୁ

ଭୁବନେଶ୍ଵର : ଅଧା ରହିଗଲା ଘର ବାହୁଡା, ଘରକୁ ଫେରୁଥିବା ବେଳେ ଶ୍ରମିକ ସ୍ପେଶାଲ ଟ୍ରେନରେ ଚାଲିଗଲା ଜୀବନ । ଏପରି ଏକ ଦୁଃଖଦ ଘଟଣା ଘଟିଛି ଆନ୍ଧ୍ର ପ୍ରଦେଶର ବିଶାଖାପାଟଣାରୁ ବଲାଙ୍ଗୀର ଆସୁଥିବା ଶ୍ରମିକ ସ୍ପେଶାଲ ଟ୍ରେନରେ । ଆନ୍ଧ୍ରପ୍ରଦେଶର ବିଶାଖାପାଟଣାରୁ ଗତକାଲି ବଲାଙ୍ଗୀର ଅଭିମୁଖେ ବାହାରି ଥିବା ଶ୍ରମିକ ସ୍ପେଶାଲ ଟ୍ରେନରେ ଜଣେ ମହିଳାଙ୍କ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ମୃତ ମହିଳାଙ୍କ ନାଁ ରାଧା କର । ମହିଳା ଜଣଙ୍କ କୋରାପୁଟ ଜିଲ୍ଲା ବୈପାରୀଗୁଡ଼ା ଅଞ୍ଚଳର ବୋଲି ଜଣାପଡିଛି । ଏହି ଟ୍ରେନରେ ପ୍ରାୟ ଏକ ହଜାର ପ୍ରବାସୀ ଓଡ଼ିଆ ଥିଲେ। ତେବେ ବିଶାଖାପାଟଣାରୁ ଆସିଥିବା ଏହି ଟ୍ରେନ୍ ଆଜି ଭୋର ୪ଟା ୫୦ରେ ବଲାଙ୍ଗୀର ଷ୍ଟେସନରେ ପହଁଞ୍ଚିଥିଲା । ବଲାଙ୍ଗୀର ଷ୍ଟେସନରେ ପହଞ୍ଚିବା ପରେ ଟ୍ରେନ୍‌ରୁ ଉକ୍ତ ମହିଳାଙ୍କୁ ଉଦ୍ଧାର କରି ଜିଆରପି ପୁଲିସ ବଲାଙ୍ଗୀର ଜିଲା ମୁଖ୍ୟଚିକିତ୍ସାଳୟକୁ ନେଇଥିଲେ । ସେଠାରେ ଜିଲ୍ଲା ଅତିରିକ୍ତ ମୁଖ୍ୟ ଚିକିତ୍ସାଧିକାରୀ ରାଧା ଖରାଙ୍କୁ ମୃତ ଘୋଷଣା କରିଥିଲେ । ଏନେଇ ଜିଆରପି ପକ୍ଷରୁ ଏକ ଅପମୃତ୍ୟୁ ମାମଲା ରୁଜୁ କରାଯାଇଥିବା ରେଳବାଇ ପକ୍ଷରୁ ସୂଚନା ଦିଆଯାଇଛି। ତେବେ ମିଳିଥିବା ସୂଚନା ମୁତାବକ ମହିଳାଙ୍କ ଛାତିରେ ପ୍ରଥମେ ଯନ୍ତ୍ରଣା ଅନୁଭୂତ ହୋଉଥିଲା ବୋଲି ଟ୍ରେନରେ ଯାତ୍ରା କରୁଥିବା ତାଙ୍କ ସମ୍ପର୍କୀୟ କହିଛନ୍ତି