ଗୁଣପୁର : ରାୟଗଡା ଜିଲାରେ ଏବେ ପ୍ରବଳ ଶୀତ ଅନୁଭୂତ ହେଉଛି। ଶୀତରେ ବଣ ପାହାଡ ସରସସୁନ୍ଦର ହୋଇଉଠିଛି । ଦିନରେ ବି ଦୃଶ୍ୟମାନ ହେଉନ।ହିଁ ଦିଗବଳୟ । ପର୍ବତ ଶିଖରରୁ ଅଲସୀ କନ୍ୟା ଟିଏ ଭଳି ଲାଜେଇ ଲାଜେଇ ଖାସୁଛି ପହିଡି ଝରଣା । ଲାଗୁଛି ସତେ ଯେମିତି ଶିତର ଜାଡ ଜାବୁଡି ଧରିଛି ସମସ୍ତଙ୍କୁ । ହେଲେ ଶୀତ ଲୋକଙ୍କ ଦୈନଦିନ ଜୀବନଯାତ୍ରାକୁ ପ୍ରଭାବିତ କରିପାରିନାହିଁ। ଜିଲାର ନିୟମଗିରି ଅଞ୍ଚଳରେ ଏବେ ପସରା ମେଲିଛି ଶୀତ । ଶୀତେଇ ଉଠିଛି ସାରା ଇଲାକା । ଘରୁ ବହାରିବା ବି ମୁସ୍କିଲ ହୋଇପଡିଛି। ଶୀତ କାଳରେ ପାହାଡିଆ ପରିବେଶର ସୁନ୍ଦରତାକୁ ଉପଭୋଗ କରିବା ପାଇଁ ଜମିଛୁ ପର୍ଯ୍ୟଟଙ୍କ ଭିଡ। ହେଲେ ଏଠିକା ଆଦିବାସୀଙ୍କ ପାଇଁ ଏହି ଋତୁର ପ୍ରଭାବ ମିଶ୍ରିତ । ଶୀତରେ ସେମାନେ ଧାନ , ମଣ୍ଡିଆ , ସୁଆଁ , ଆଲସୀ ଫସଲ ଅମଳ କରିଥାଆନ୍ତି। ଏହାପରେ ଆରମ୍ଭ ହୋଇଯାଏ ଶୀତଦିନିଆ ପାରିବା ଚାଷ ପାଇଁ ପ୍ରସ୍ତୁତି । କାରଣ ଏଇଟାହିଁ ଭଲ ଦୁଇପାଇସା ରୋଜଗାର କରିବାର ଲାଗି ପ୍ରକୃଷ୍ଟ ସମୟ । ଶିତୁଆ ସକାଳରେ ଝାଳ ବୁହାଇବାଲାଗି ପରିବାରର ଲୋକେ ଏକାଠି ହୁଅନ୍ତି ଜମିରେ । ରାୟଗଡା ଜିଲାର ଆଦିବାସୀଙ୍କ ଜୀବନ ଚଳଣି ଅନ୍ୟ ଠାରୁ କିଛିଟା ଅଲଗା । ଏବେ ଏଅଞ୍ଚଳକୁ ଶୀତ କଷ୍ଟ ସତ୍ତ୍ବେ ଲୋକେ ଉପଭୋଗ କରୁଥିବା ଦେଖାଯାଉଛି। ପ୍ରବଳ ଶୀତରୁ ରକ୍ଷା ପାଇବା ପାଇଁ ଲୋକେ ନିଆଁର ସାହାରା ନେଉଛନ୍ତି।
Comments are closed.