MEllora 950×100

ବୁଧବାର ରାଶିଫଳ ୨୫.୦୧.୨୦୨୩

ମେଷ: ବିଶାଳ ଯଶର ଅଧିକାରୀ ହେବେ। ଦାନ ଦେବାରେ ଅନୁରକ୍ତି ରହିବ। ଶତ୍ରୁକୁ ପରାସ୍ତ କରିବେ। ଚିତ୍ତ ସନ୍ତୁଷ୍ଟ ରହିବ। କାଳ-ଗରିମାଯୁକ୍ତ ହେବେ। ସଦାସର୍ବଦା ସତ୍ୟର ପୂଜାରୀ ହେବେ। ସୁବକ୍ତା ହେବେ।
ବୃଷ: ପର୍ଯ୍ୟାପ୍ତ ଅର୍ଥ ପ୍ରାପ୍ତିର ସୂଚନା ମିଳୁଛି। ଜନସାଧାରଣଙ୍କ ଉପରେ ପ୍ରଭାବ ବିସ୍ତାର କରିବେ। ସମ୍ମାନିତ ହେବେ। କୀର୍ତ୍ତିମାନ ହୋଇପାରନ୍ତି। ପୂଜ୍ୟ ବ୍ୟକ୍ତି ଭାବେ ନିଜର ମହିମା ପ୍ରକାଶିତ ହେବ। ସୁଖୀ ହେବେ।
ମିଥୁନ: ସତ୍‌ପଥଗାମୀ ହେବେ। ପ୍ରାଣପ୍ରିୟା ଓ ବନ୍ଧୁବାନ୍ଧବଙ୍କ ପ୍ରତି ଅନୁରକ୍ତ ହୋଇପାରନ୍ତି। ଦାନକୁ ଜୀବନର ବ୍ରତ ଭାବେ ଗ୍ରହଣ କରିପାରନ୍ତି। ସନ୍ତାନ, ସନ୍ତତିଯୁକ୍ତ ହେବେ। ଧନ ସହିତ ପୁତ୍ର ସନ୍ତାନ ମିଳିବ।
କର୍କଟ: ପତ୍ନୀଙ୍କ ସ୍ବାସ୍ଥ୍ୟରକ୍ଷା ପାଇଁ ବିଶେଷ ଧ୍ୟାନ ଦେବାକୁ ପଡ଼ିବ। ଅନ୍ୟକୁ ଅଯଥା ଅପବାଦ ଦେଇ ମାନସିକ ଭାରସାମ୍ୟ ହରାଇପାରନ୍ତି। ଭ୍ରମଣ ବ୍ୟର୍ଥ ହୋଇପାରେ। ଭୟାଳୁ ହେବେ। ସର୍ବସୁଖ ଆଶାୟୀ ହୋଇପାରନ୍ତି।
ସିଂହ: ଗୁଣପ୍ରଧାନ ଭାବେ ଲୋକମାନଙ୍କ ଦ୍ବାରା ଆଦୃତ ହେବେ। ସତ୍‌ ଉପାୟରେ ଧନ ଅର୍ଜନ କରିପାରନ୍ତି। ଧର୍ମପ୍ରିୟ ହେବେ। ବିଭିନ୍ନ ଶାସ୍ତ୍ର ଅଧ୍ୟୟନ କରି ସାମାଜିକ କାର୍ଯ୍ୟରେ ସାରାଦିନ ମଙ୍ଗଳମୟ ହେବ।
କନ୍ୟା: ବିଜ୍ଞାନ ବିଦ୍ୟାରେ ପାରଙ୍ଗମ ହେବେ। କାହାରି ପାଖରେ ମୁଣ୍ଡ ନୁଆଁଇବେ ନାହିଁ। ରାଗ-ରୋଷର ବଶବର୍ତ୍ତୀ ହୋଇ କାର୍ଯ୍ୟ କଲେ ସଫଳତା ମିଳିବା କଷ୍ଟଦାୟକ ହେବ। ଶତ୍ରୁ ପରାହତ ହେବେ।
ତୁଳା: ଗୁଣ ଓ ସ୍ବଭାବ ପାଇଁ ଜନସାଧାରଣଙ୍କର ଆଦର୍ଶର ପାତ୍ର ହେବେ। ସଦାସର୍ବଦା ଧର୍ମ କଥାନୁରକ୍ତ ହୋଇପାରନ୍ତି। ଚିତ୍ତ ସନ୍ତୁଷ୍ଟ ରହିବ। ଦାମ୍ପତ୍ୟ ଜୀବନ ସୁଖପ୍ରଦ ହେବ। ଆର୍ଥିକ ସ୍ଥିତି ଦୃଢ଼ ରହିବ।
ବିଛା: ବହୁ ମିତ୍ର ଓ ଆତ୍ମଜମାନଙ୍କ ସହାୟତା ମିଳିବ। ଅଶେଷ ସୁଖର ଅଧିକାରୀ ହେବେ। କୁଳପ୍ରଧାନ ହୋଇପାରନ୍ତି। ସର୍ବଦା ବିଜୟାବନତ ହେବେ। ବ୍ୟବସାୟ ଲାଭଦାୟକ ହେବ। ସମ୍ମାନିତ ହୋଇପାରନ୍ତି।
ଧନୁ: ନିରୀହ ସ୍ବଭାବ ସମ୍ପନ୍ନ ହୋଇପାରନ୍ତି। ପ୍ରମାଦହୀନ ହେବେ। ବହୁ ସାଧୁ ସେବା କରି ପୁଣ୍ୟ ଅର୍ଜନ କରିପାରନ୍ତି। ବହୁ ମିତ୍ରଙ୍କଠାରୁ ସମର୍ଥନ ଓ ସହାୟତା ମିଳିବ। ସକଳ ଗୁଣର ଅଧିକାରୀ ହେବେ।
ମକର: ଶ୍ରେଷ୍ଠ ପଦବାଚ୍ୟ ହୋଇପାରନ୍ତି। ଉପଯୁକ୍ତ ପରାମର୍ଶଦାତା ହେବେ। ପରଧନରେ ଧନୀ ହୋଇପାରନ୍ତି। କର୍ମଚଞ୍ଚଳ ରହିବେ। ଯାନବାହନ ସୁଖ ମିଳିବ। ସରକାରୀ ସ୍ତରରେ ସମ୍ମାନିତ ହୋଇପାରନ୍ତି।
କୁମ୍ଭ: ନାନା ବିଭବରେ ମଣ୍ଡିତ ହୋଇପାରନ୍ତି। ଦୟାଧର୍ମରେ ଦୀକ୍ଷିତ ହେବେ। ଉଚ୍ଚାସନରେ ଆସୀନ ହେବେ। ଧର୍ମପ୍ରିୟ ହେବେ। ପାଣ୍ଡିତ୍ୟ ଅର୍ଜନ କରିବେ। କର୍ମଚଞ୍ଚଳ ରହିବେ। ଶ୍ରେଷ୍ଠ ପଦପଦବୀଯୁକ୍ତ ହୋଇପାରନ୍ତି।
ମୀନ: ଗୁଣରେ ନ୍ୟୂନତା ଆସିପାରେ। ମିତ୍ରମାନେ କରଛଡ଼ା ଦେଇପାରନ୍ତି। ସର୍ବଦା ଶତ୍ରୁଯୁକ୍ତ ଓ କ୍ରୋଧଯୁକ୍ତ ହେବେ। ଏକାନ୍ତପ୍ରିୟ ହେବେ। କଫରେ ଆକ୍ରାନ୍ତ ହୋଇପାରନ୍ତି। ମଧୁର କଥାରେ ପରକୁ ଆପଣାର କରିପାରନ୍ତି।

Comments are closed.