MEllora 950×100

ମୁହଁକୁ ବ୍ରଣମୁକ୍ତ କରିଥାଏ ; ଉଷୁମ ପାଣି

ଉଷୁମ ପାଣି ପିଇବା ଦ୍ବାରା ଶରୀରକୁ ଅନେକ ଲାଭ ହୋଇଥାଏ। ଆସନ୍ତୁ ଜାଣିବା ସେସବୁ କ’ଣ ..

ସକାଳେ ଖାଲି ପେଟରେ ଏକ ଗ୍ଲାସ ଉଷୁମ ପାଣି ପିଇବା ଦ୍ବାରା ପେଟ ସମସ୍ୟା ଦୂର ହୋଇଥାଏ। ଯେପରି କୋଷ୍ଠ କାଠିନ୍ୟ, ଗ୍ୟାସ୍, ଏସିଡିଟି, ବଦହଜମୀ ଓ ପେଟରେ କଷ୍ଟ ଅନୁଭବ ହେବା ଆଦି ଦୂର ହୋଇଥାଏ ।

ସକାଳେ ଖାଲି ପେଟରେ ଉଷୁମ ପାଣିରେ ଲେମ୍ବୁ ବା ମହୁ ମିଶାଇ ପିଇବା ଦ୍ବାରା ପେଟ ବାହାରିବା କମ୍ ହେବା ସହ ଓଜନ ହ୍ରାସ ଘଟିଥାଏ ।
ଭୋକ ହେଉ ନ ଥିଲେ ଏକ ଗ୍ଲାସ ଉଷୁମ ପାଣି ସହ ଲେମ୍ବୁ ଏବଂ କଳା ଲୁଣ ପକାଇ ପିଇବା ଦ୍ବାରା ଏହି ସମସ୍ୟା ଦୂର ହୋଇଥାଏ । ଏହାକୁ ଆପଣ ଏକ ମାସ ପର୍ୟ୍ୟନ୍ତ ପିଇ ପାରିବେ ।

ଉଷୁମ ପାଣି ପିଇବା ଦ୍ବାରା କାଶ ଓ ଗଳା ସମସ୍ୟା ଦୂର ହୋଇଥାଏ।

ଉଷୁମ ପାଣି ପିଇବା ଦ୍ବାରା ଶରୀରରୁ ଆର୍ବଜନା ଦୂର ହେବା କାରଣରୁ ଚେହେରା ବା ତ୍ଵଚାରେ ଚମକ ଆସିଥାଏ । ଏହା ସହ  କେଶ ମୁଲାୟମ ଓ ମଜଭୁତ ହୋଇଥାଏ ।

ଉଷୁମ ପାଣି ଥକ୍କାପଣ ମଧ୍ୟ ଦୂର କରିବା ସହ ରକ୍ତ ସଞ୍ଚାଳନ ପ୍ରକ୍ରିୟା ସଠିକ୍ କରିଥାଏ ।

ଉଷୁମ ପାଣିର ସେବନ କରିବା ଦ୍ୱାରା ଆଣ୍ଠୁ ଗଣ୍ଠି ଯନ୍ତ୍ରଣା ଦୂର ହୋଇଥାଏ। ମାଂସପେଶୀ ପାଇଁ ମଧ୍ୟ ଲାଭଦାୟକ।

ଉଷୁମ ପାଣି ପିଇବା ଦ୍ବାରା ଶରୀରକୁ ଅନେକ ଲାଭ ମିଳିଥାଏ। କିନ୍ତୁ ସବୁଠାରୁ ଅଧିକ ଲାଭ ଶରୀରର ପାଚନ ତନ୍ତ୍ରକୁ ହୋଇଥାଏ। ଉଷୁମ ପାଣି ପିଇବା ଦ୍ବାରା ପାଚନ କ୍ରିୟା ସଠିକ ଭାବେ ହୋଇଥାଏ। ଏହାଦ୍ବାରା ପେଟ ସଫା ରହିଥାଏ। କୋଷ୍ଠକାଠିନ୍ୟ ସମସ୍ୟା ଠାରୁ ମୁକ୍ତି ମିଳିଥାଏ। ଏହାସହ ଗ୍ୟାସ ସମ୍ବନ୍ଧୀୟ ସମସ୍ୟା ଠାରୁ ମଧ୍ୟ ମୁକ୍ତି ମିଳିଥାଏ।

ଯଦି ଆପଣ ମୋଟାପଣ ନେଇ ଚିନ୍ତିତ ତେବେ ଉଷୁମ ପାଣି ପିଅନ୍ତୁ। ଏପରି କରିବା ଦ୍ବାରା ପାଚନ କ୍ରିୟା ସଠିକ ଭାବେ ହେବା ସହ ଶରୀରରୁ ଫ୍ୟାଟ ଅଂଶ କମାଇ ଦେଇଥାଏ। ଏହାଦ୍ବାରା ଓଜନ ନିୟନ୍ତ୍ରିତ ହୋଇଥାଏ। ଉଷୁମ ପାଣିରେ ମହୁ ଓ ଲେମ୍ବ ରସ ଚିପୁଡି ପିଇବା ଦ୍ବାରା ଓଜନ ଠିକ ରହିଥାଏ।

ଯଦି ଶରୀରରେ ରକ୍ତ ଠିକ ଭାବେ ସଞ୍ଚାଳନ ହେଉ ନଥାଏ ତେବେ ଅନେକ ପ୍ରକାରର ରୋଗ ସୃଷ୍ଟି ହୋଇଥାଏ। ତେଣୁ ଉଷୁମ ପାଣି ପିଇବା ଦ୍ବାରା ଶରୀରରୁ ଦୂଷିତ ପଦାର୍ଥ ବାହାରି ଯାଇଥାଏ। ଏହାସହ ରକ୍ତ ଠିକ ଭାବେ ସଞ୍ଚାଳନ ହୋଇଥାଏ। ଏହାସହ ଅନେକ ରୋଗ ଠାରୁ ଲଢିବାକୁ ମଧ୍ୟ ଶରୀରକୁ ଶକ୍ତି ଦେଇଥାଏ। ତେଣୁ ପ୍ରତିଦିନ ଉଷୁମ ପାଣି ପିଇବାର ଅଭ୍ୟାସ କରନ୍ତୁ।

ଉଷୁମ ପାଣି ପିଇବା ଦ୍ବାରା ପେଟର ଅନେକ ସମସ୍ୟା ଭଲ ହେବା ସହ ମୁହଁର ଚମକ ବୃଦ୍ଧି ହୋଇଥାଏ। ଏହା ମୁହଁକୁ ବ୍ରଣମୁକ୍ତ କରିଥାଏ। କାରଣ ଉଷୁମ ପାଣି ଶରୀର ମଧ୍ୟକୁ ଯାଇ ଦୂଷିତ ପଦାର୍ଥ ବାହାର କରିଥାଏ।

ଆପଣଙ୍କୁ ଯଦି ଅନେକ ଦିନ ଧରି ଥଣ୍ଡା-କାଶ ଲାଗି ରହୁଥାଏ ତେବେ ନିୟମିତ ଉଷୁମ ପାଣି ପିଇବା ଦ୍ବାରା ସେଥିରୁ ଉପଶମ ମିଳିଥାଏ। ଏହାଦ୍ବାରା କଫ ବାହାରକୁ ନିର୍ଗତ ହୋଇଯାଇଥାଏ।

Comments are closed.