MEllora 950×100

ଦୁଇ ଭଉଣୀଙ୍କ ପାଇଁ ଗୋଟିଏ ବର; ବେଦୀରେ ହେଲା ୩ଜଣଙ୍କ ବହାଘର

ମହାରାଷ୍ଟ୍ର: ଦୁଇ ଯାଆଁଳା ଭଉଣୀଙ୍କ ପାଇଁ ଗୋଟିଏ ବର । ଗୋଟିଏ ବେଦୀରେ ହେଲା ୩ଜଣଙ୍କ ବହାଘର । ମିଶିଗଲା ମନ, ମିଶିଗଲା ହୃଦୟ, ଆଉ ତିନି ଜଣଙ୍କ ପାପୁଲିର ରୋଖା ଯୋଡି ହୋଇ ପଡ଼ିଗଲା ହାତଗଣ୍ଠି । କଥାଟା ଟିକେ ଆପଣଙ୍କୁ ଅଲଗା ଲାଗୁଥାଇ ପାରେ, ହେଲେ ଆମେ ଜମା ବି କହାଣୀ କହୁନୁ । କାରଣ ସେହି ବାସ୍ତବତାର ସୁନ୍ଦର ମୁହୂର୍ତ୍ତ ଆପଣଙ୍କ ସାମ୍ନାରେ । ଆପଣ ଯେଉଁ ଭିଡ଼ିଓଟି ଦେଖୁଛନ୍ତି ମହାରାଷ୍ଟ୍ରର ସୋଲାପୁର ଅଞ୍ଚଳର ।

କନ୍ୟା ସାଜିଛନ୍ତି ଦୁଇ ଯାଆଁଳା ଭଉଣୀ ରିଙ୍କି ଏବଂ ପିଙ୍କି  । ଆଉ ମନର ମଣିଷର ଗଳାରେ ପକାଉଛନ୍ତି ବରଣମାଳା । ସୂଚନା ମୁତାବକ ଏହି ଦୁଇ ଭଉଣୀଙ୍କ ହୃଦୟ ଚୋରି କରିଥିବା ଯୁବକ ଜଣକଙ୍କ ହେଉଛନ୍ତି ଆଇଟି ଇଞ୍ଜିନିୟର ଅତୁଲ । ଯାହାଙ୍କୁ ଦୁହେଁ ଖୁସିରେ ବରଣମାଳା ପିନ୍ଧାଉଛନ୍ତି । ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ଭାଇରାଲ ହେବାର ଲାଗିଛି । ସୂଚନା ଅନୁଯାୟୀ  ପୂର୍ବରୁ ରିଙ୍କି ଏବଂ ପିଙ୍କି ମା’ଙ୍କ ସ୍ୱାସ୍ଥ୍ୟାବସ୍ଥା ଭଲନଥିଲା ।

ସେ ମେଡିକାଲରେ ଭର୍ତ୍ତି ହୋଇଥିଲେ । ସେହି ସମୟରେ ଅତୁଲ ଦୁଇ ଭଉଣୀଙ୍କୁ ସାହାଯ୍ୟ କରିବା ସହ ଅତୁଲଙ୍କ କରରେ ଉଭୟ ହସ୍ପିଟାଲ ଯାଉଥିଲେ । ପରେ ଦୁଇ ଯାଆଁଳା ଭଉଣୀଙ୍କ ହୃଦୟକୁ ଜିତିଥିଲେ ଅତୁଲ। ଆଉ ଦୁଇ ଭଉଣୀ ଅତୁଲଙ୍କୁ ବିବାହ କରିବାକୁ ନିଷ୍ପତ୍ତି ନେଇଥିଲେ । ଯାହାକି ବର୍ତ୍ତମାନ ସତ ହୋଇଛି । ବିବାହର ଭିଡିଓ ସାମାଜିକ ଗଣମାଧ୍ୟମରେ ଭାଇରାଲ ହେବାରେ ଏପରି ବିବାହ ବୈଧ କି ନୁହେଁ ସେନେଇ ସାଧାରଣ ଲୋକ ପ୍ରଶ୍ନ କରିଥିବା ଦେଖିବାକୁ ମିଳିଛି ।

Comments are closed.