ବରଗଡ଼ଠାରେ ମେଡ଼ିକାଲ କଲେଜ ପ୍ରତିଷ୍ଠା ପାଇଁ ପ୍ରସ୍ତାବ

ଭୁବନେଶ୍ୱର: ରାଜ୍ୟରେ ସ୍ୱାସ୍ଥ୍ୟ ସେବାର ବିକାଶ କ୍ଷେତ୍ରରେ ଅଧିକରୁ ଅଧିକ ଘରୋଇ ମେଡ଼ିକାଲ କଲେଜ ପ୍ରତିଷ୍ଠା ନିଶ୍ଚିତ ଭାବରେ ସ୍ୱାଗତ ଯୋଗ୍ୟ। ଏହି ପରିପ୍ରେକ୍ଷିରେ ବରଗଡ଼ଠାରେ ବିକାଶ ଗ୍ରୁପ ଅଫ୍ ଇନ୍‌ଷ୍ଟିଚ୍ୟୁସନ୍ସ ପକ୍ଷରୁ ଏକ ମେଡ଼ିକାଲ କଲେଜ ପ୍ରତିଷ୍ଠା ପାଇଁ ରାଜ୍ୟ ସରକାରଙ୍କ ନିକଟରେ ପ୍ରସ୍ତାବ ଉପସ୍ଥାପନ କରାଯାଇଛି।
ଲୋକ ସେବା ଭବନଠାରେ ସ୍ୱାସ୍ଥ୍ୟ ଓ ପରବାର କଲ୍ୟାଣ ମନ୍ତ୍ରୀ ନବ କିଶୋର ଦାସ, ବିଭାଗୀୟ ଅତିରିକ୍ତ ମୁଖ୍ୟ ଶାସନ ସଚିବ ପ୍ରଦୀପ୍ତ କୁମାର ମହାପାତ୍ରଙ୍କ ଉପସ୍ଥିତିରେ ବିକାଶ ଗ୍ରୁପ୍‌ ଅଫ୍‌ ଇନ୍‌ଷ୍ଟିଚ୍ୟୁସନ୍ସର ଅଧ୍ୟକ୍ଷ ଡ଼ି. ମୁରଲି କ୍ରିଷ୍ଣା ମେଡ଼ିକାଲ କଲେଜ ପ୍ରତିଷ୍ଠା ପ୍ରସଙ୍ଗ ଉପସ୍ଥାପନା କରିଥିେଲ।

ଏଠାରେ ସୂଚନା ଯୋଗ୍ୟ ବିକାଶ ଗ୍ରୁପ୍‌ ଅଫ୍‌ ଇନ୍‌ଷ୍ଟିଚ୍ୟୁସନ୍ସ ପକ୍ଷରୁ ପ୍ରସ୍ଥାବିତ ମେଡ଼ିକାଲ କଲେଜ ପାଇଁ ୨୫ ଏକର ଜମି ସଂରକ୍ଷିତ କରି ରଖାଯାଇଥିବା ବେଳେ ଏବେ ୧୫୦ ଶଯ୍ୟା ବିଶିଷ୍ଟ ହସ୍ପିଟାଲ୍‌ କାର୍ଯ୍ୟ କରୁଛି। ଆଗାମୀ ୩ ବର୍ଷ ମଧ୍ୟରେ ଏହାକୁ ୩୦୦ ଶଯ୍ୟା ବିଶିଷ୍ଟ ହସ୍ପିଟାଲ୍‌ ଭାବେ କାର୍ଯ୍ୟକ୍ଷମ କରି ପରବର୍ତ୍ତି ସମୟରେ ମେଡ଼ିକାଲ କଲେଜରେ ପରିଣତ କରିବା ପାଇଁ ଅନୁଷ୍ଠାନ ପକ୍ଷରୁ ଲକ୍ଷ୍ୟ ଧାର୍ଯ୍ୟ କରାଯାଇଛି। ଫଳରେ ଭବିଷ୍ୟତରେ ବରଗଡ଼ ଜିଲା ଓ ଏହାର ଆଖପାଖ ଅଞ୍ଚଳର ସାଧାରଣ ଜନତା ଉତ୍ତମ ମାନର ଚିକିତ୍ସା ସେବା ପାଇବା ସହ ଉପକୃତ ହୋଇପାରିବେ। ଏହି ଅବସରରେ ଡ଼ିଏମ୍ଇଟି ପ୍ରଫେସର ସି.ବି.କେ ମହାନ୍ତି, ବିଭାଗୀୟ ଯୁଗମ ସଚିବ ପ୍ରକାଶ ମହାନ୍ତି ପ୍ରମୁଖ ଉପସ୍ଥିତ ଥିଲେ।

Comments
Loading...