ସର୍ବଭାରତୀୟସ୍ତରରେ ୧୯୫ ର‍୍ୟାଙ୍କ ହାସଲ କଲେ ବେଦଭୂଷଣ

ସମ୍ବଲପୁର: ସମ୍ବଲପୁର କେନ୍ଦ୍ରୀୟ ବିଦ୍ୟାଳୟ ନଂ ୨ରେ ବରିଷ୍ଠ ଶିକ୍ଷକ ଭାବରେ କାର୍ଯ୍ୟରତ ସୋମଦତ୍ତ ଙ୍କ ପୁତ୍ର ବେଦଭୂଷଣ ସର୍ବଭାରତୀୟ ପ୍ରଶାସନିକ ସେବା ପରୀକ୍ଷାରେ ୧୯୫ ର‍୍ୟାଙ୍କ ହାସଲ କରିଛନ୍ତି। ବରଗଡ ଜିଲାର ମୂଳ ନିବାସୀ ବେଦଭୂଷଣ ଗତ ୨୦୧୭ର ପ୍ରଶାସନିକ ସେବା ପରୀକ୍ଷାରେ ୨୯୩ ର‍୍ୟାଙ୍କ ପାଇ ଏବେ ଆଇଆରଏସର ପ୍ରଶିକ୍ଷଣ ନେଉଛନ୍ତି। ଏ ସର୍ମ୍ପକରେ ବେଦଭୂଷଣ କହିଛନ୍ତି ଯେ ସେ ୨୦୧୭ରେ ଅଧିକ ର‍୍ୟାଙ୍କ ଆଶା ରଖିଥିବା ବେଳେ ଆଶାନୁରୁପ ଭାବରେ ନ ହେବାରୁ ଭଲ କ୍ୟାଡର ଆଶାରେ ପୁନଶ୍ଚ ପରୀକ୍ଷା ଦେବା ପାଇଁ ମନସ୍ଥ କରିଥିଲେ। ତାଙ୍କର ଏହି ନିଷ୍ପତ୍ତିରେ ପିତା ସୋମଦତ୍ତ ଓ ମାତା ସୁରଭୀ ଙ୍କର ଆର୍ଶିବାଦ ସହିତ ମାର୍ଗଦର୍ଶକ ଓ ବନ୍ଧୁ ମାନଙ୍କର ଭରପୂର ସହଯୋଗ ମିଳିଥିଲା। ଏଣୁ ସେ ଚଳିତ ଥର ୧୯୫ ର‍୍ୟାଙ୍କ ହାସଲ କରିବାରେ ସମର୍ଥ ହୋଇଛନ୍ତି ବୋଲି କହିଛନ୍ତି। ତାଙ୍କର ମାତା ସୁରଭୀ ସାହୁ ବରଗଡର ଚକୁଳିଫାର୍ମ ସ୍ଥିତ ୟୁଜିଏମଇ ସ୍କୁଲରେ ଶିକ୍ଷୟତ୍ରୀ ରହିଛନ୍ତି। ବେଦଭୂଷଣଙ୍କୁ ତାଙ୍କର ସଫଳତା ପାଇଁ ସବୁ ମହଲରୁ ଏବେ ଶୁଭେଚ୍ଛାର ସୁଅ ଛୁଟିଛି।

Comments
Loading...