ଲକ୍ଷ୍ନୌ : ଉତ୍ତରପ୍ରଦେଶ ପୁଲିସ୍ ଗତ ୪ ଦିନ ଭିତରେ ପପୁଲାର ଫ୍ରଣ୍ଟ ଅଫ୍ ଇଣ୍ଡିଆ (ପିଏଫଆଇ) ସହ ସମ୍ପୃକ୍ତ ୧୦୮ ଜଣଙ୍କ ଲୋକଙ୍କୁ ହିଂସାକୁ ଉସକାଉଥିବାର ଅଭିଯୋଗରେ ଗିରଫ୍ କରିଛି । ରାଜ୍ୟ ଘରୋଇ ବିଭାଗ ଅତିରିକ୍ତ ମୁଖ୍ୟ ସଚିବ ଅବନିଶ କେ. ଅବସ୍ତି କହିଛନ୍ତି, ସେହି ସଂଗଠନର ୧୦୮ ଜଣ ଲୋକଙ୍କୁ ଗିରଫ୍ କରାଯାଇଛି ଓ ଏହା ବ୍ୟତୀତ ପୂର୍ବରୁ ଆଉ ୨୫ ଜଣଙ୍କୁ ଗିରଫ୍ କରାଯାଇ ସାରିଛି। ସେମାନେ ରାଜ୍ୟରେ ହିଂସାକୁ ଉସକାଉଥିବାର ଅଭିଯୋଗ ରହିଛି । ସେ କହିଛନ୍ତି, ସଂଗଠନ ସମ୍ବନ୍ଧରେ ଅଧିକ ତଥ୍ୟ ସଂଗ୍ରହ କରାଯାଉଛି । ତାହା ମଧ୍ୟରେ ସେମାନଙ୍କୁ କେଉଁଠାରୁ ପାଣ୍ଠି ମିଳୁଛି ସେ ବିଷୟରେ ମଧ୍ୟ ତଦାରଖ କରାଯାଇଛି। ଶ୍ରୀ ଅବସ୍ତି କହିଛନ୍ତି, ପୁଲିସ୍ ଏ କ୍ଷେତ୍ରରେ କେନ୍ଦ୍ରୀୟ ସଂସ୍ଥାଗୁଡ଼ିକର ସହାୟତା ନେଇଛି। ଗତବର୍ଷ ଡିସେମ୍ବର ମାସରେ ଉତ୍ତରପ୍ରଦେଶ ପୁଲିସ୍ ପି.ଏଫ୍.ଆଇ. ଉପରେ ନିଷେଧାଜ୍ଞା ଲାଗୁ କରାଯିବାକୁ ଚାହିଁଥିଲା । ନାଗରିକ ସଂଶୋଧନ ଆଇନ୍ ବିରୁଦ୍ଧରେ ରାଜ୍ୟ ବ୍ୟାପୀ ହିଂସାତ୍ମକ ବିକ୍ଷୋଭ ପ୍ରଦର୍ଶନ ଦୃଷ୍ଟିରୁ ଏହି ପକ୍ଷେପ ନିଆଯାଇଛି।
Comments are closed.