MEllora 950×100

ବସ୍‌‌-ଟ୍ରକ ଧକ୍କା ; ଚାଲିଗଲା ୬ ଜୀବନ,୧୫ ଆହତ

ଲଖନଉ : ଉତ୍ତରପ୍ରଦେଶର ବହରାଇଚ ଜିଲାରେ ଜରବଲରୋଡ ଥାନା ଅନ୍ତର୍ଗତ ଘାଘରାଘାଟ ରେଳ ଷ୍ଟେସନ ନିକଟରେ ଗତକାଲି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏଠାରେ ଷ୍ଟେସନ ନିକଟରେ ଏକ ବସ୍‌‌ କୁ ସାମ୍ନା ପଟୁ ଆସୁଥିବା ଏକ ଦ୍ରୁତ ଗତି ଟ୍ରକ ଧକ୍କା ଦେଇଥିଲା। ଏହି ଦୁର୍ଘଟଣାରେ ଟ୍ରକ ଚାଳକ ସମେତ ୬ ଜଣଙ୍କର ଘଟଣା ସ୍ଥଳରେ ମୃତ୍ୟୁ ହୋଇଥିଲା। ୧୫ ଜଣ ଆହତ ହୋଇଛନ୍ତି। ସଭିଁଙ୍କୁ ଉଦ୍ଧାର କରି ହସ୍ପିଟାଲରେ ଭର୍ତ୍ତି କରାଯାଇଛି। ଦୁର୍ଘଟଣା ଖୁବ୍‌‌ ଜୋରରେ ହୋଇଥିବାରୁ ବସ୍‌‌ଟି ସମ୍ପୂର୍ଣ୍ଣ କ୍ଷତିଗ୍ରସ୍ତ ହୋଇଛି। ଦୁର୍ଘଟଣା ପରେ ଘଟଣା ସ୍ଥଳରେ ହଇଚଇ ସୃଷ୍ଟି ହୋଇଥିଲା। ଦୁର୍ଘଟଣାଗ୍ରସ୍ତ ବସଟି ଜୟପୁରରୁ ପ୍ରାୟ ୩୫ ରୁ ୪୦ ଯାତ୍ରୀଙ୍କୁ ନେଇ ରୁପଇଡିହା ଯାଉଥିଲା। ବହରାଇଚ-ଲଖନଉ ହାଇୱେରେ ଜରବଲ ରୋଡ ଥାନା ଅଞ୍ଚଳରେ ଘାଘରା ଘାଟ ନିକଟରେ ବୁଧବାର ଏହି ଦୁର୍ଘଟଣା ଘଟିଥିଲା। ଟ୍ରକଟି ବସକୁ ଧକ୍କା ଦେବା ମାତ୍ରେ ଖୁବ୍‌‌ ଜୋରରେ ଶବ୍ଦ ହୋଇଥିଲା। ଏହାପରେ ନିଦରେ ଶୋଇଥିବା ଯାତ୍ରୀଙ୍କ ଚିତ୍କାର ଶୁଣାଯାଇଥିଲା। ଘଟଣା ପରେ ତୁରନ୍ତ ସ୍ଥାନୀୟ ଲୋକେ ପୁଲିସକୁ ଖବର ଦେବା ପରେ ପୁଲିସ ଓ ଉଦ୍ଧାରକାରୀ ଦଳ, ଅଞ୍ଚଳବାସୀ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ। ଘଟଣାର ତଦନ୍ତ ଜାରି ରହିଛି।

Comments are closed.