MEllora 950×100

ପୋଖରୀକୁ ଖସିପଡ଼ିଲା ଟ୍ରାକ୍ଟର : ୨୭ ମୃତ

କାନପୁର : ଉତ୍ତରପ୍ରଦେଶର କାନପୁର ଜିଲାର ଘାଟମପୁର ଅଞ୍ଚଳରେ ଶନିବାର ରାତିରେ ଏକ ଟ୍ରାକ୍ଟର ପୋଖରୀକୁ ଖସି ପଡ଼ିବାରୁ ଟ୍ରାକ୍ଟରରେ ବସିଥିବା ୨୭ଜଣଙ୍କ ଜୀବନ ଯାଇଥିବା ବେଳେ ଅନେକ ବ୍ୟକ୍ତି ଆହତ ହୋଇଥିବା ଜଣାପଡ଼ିଛି । ଉନାବ୍‌ରେ ଥିବା ଏକ ମନ୍ଦିରରେ ପୂଜାର୍ଚ୍ଚନା ପାଇଁ ଗୋଟିଏ ପରିବାରର ସଦସ୍ୟ ଟ୍ରାକ୍ଟରର ଡାଲାରେ ବସି ଯାଇଥିଲେ। ପୂଜା ସାରି ଫେରିବା ବେଳକୁ ଡ୍ରାଇଭର ଭାରସାମ୍ୟ ହରାଇବାରୁ ଟ୍ରାକ୍ଟରଟି ପୋଖରୀକୁ ଖସି ପଡ଼ିଲା। ଟ୍ରାକ୍ଟରରେ ୪୦ରୁ ଅଧିକ ଲୋକ ଥିଲେ। ଦୁର୍ଘଟଣାର ଖବର ପାଇ ପୁଲିସ, ଅଗ୍ନିଶମ ବାହିନୀ ଓ ଗ୍ରାମବାସୀ ଉଦ୍ଧାର କାର୍ଯ୍ୟ ଜାରି ରଖିଛନ୍ତି। ଏହି ଘଟଣାକୁ ନେଇ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଦୁଃଖ ପ୍ରକାଶ କରିଛନ୍ତି। ସେହିପରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ ଦୁଃଖ ପ୍ରକାଶ କରିବା ସହ ମୃତକଙ୍କ ପରିଜନଙ୍କୁ ସମବେଦନା ଜଣାଇଛନ୍ତି। ମୃତକଙ୍କ ପରିବାର ସଦସ୍ୟଙ୍କୁ ୨ ଲକ୍ଷ ଟଙ୍କା ଓ ଆହତଙ୍କ ଚିକିତ୍ସା ପାଇଁ ୫୦ ହଜାର ଟଙ୍କା ସହାୟତା ରାଶି ଘୋଷଣା କରିଛନ୍ତି ମୋଦୀ।

Comments are closed.