MEllora 950×100

କେନ୍ଦ୍ରମନ୍ତ୍ରୀ ବିଶେଶ୍ୱର ଟୁଡୁଙ୍କ ନବରଙ୍ଗପୁର ଗସ୍ତ

ନବରଙ୍ଗପୁର : କେନ୍ଦ୍ର ଜଳ ଶକ୍ତି ଓ ଆଦିବାସୀ ବ୍ୟାପାର ରାଷ୍ଟ୍ର ମନ୍ତ୍ରୀ ଇଂ.ବିଶେଶ୍ୱର ଟୁଡୁ ପ୍ରଥମଥର ପାଇଁ ନବରଙ୍ଗପୁର ଜିଲା ଗସ୍ତରେ ଆସି ସୋମବାର ଦିନ ବିଭିନ୍ନ କାର୍ଯ୍ୟକ୍ରମରେ ଯୋଗଦେବେ। ସେ ସୋମବାର ସକାଳ ୧୦ଟାରେ ଜିଲାସ୍ତରୀୟ ଅଧିକାରୀଙ୍କର ସହ ସମୀକ୍ଷା ବୈଠକରେ ଯୋଗଦେବେ । ୧୦.୩୦ରେ ଦୀନଦୟାଲ ବାଳିକା ଅନାଥାଶ୍ରମକୁ ଯିବେ । ଏହାପରେ ପାପଡାହାଣ୍ଡି ଶହୀଦ ସ୍ତମ୍ଭରେ ମାଲ୍ୟାର୍ପଣ, ଜଟାବାଲ, ଡାବୁଗାଁରେ ସ୍ୱାଗତ କାର୍ଯ୍ୟକ୍ରମରେ ଯୋଗ ଦେବେ। ଧୋଡ୍ରାରେ ମଧ୍ୟାହ୍ନ୍ନ ଭୋଜନ ପରେ ଉମରକୋଟରେ ଏକଲବ୍ୟ ଆଦର୍ଶ ବିଦ୍ୟାଳୟର ଭିତ୍ତିଭୂମି ସ୍ଥାପନ କରିବେ । ପରେ ଡଙ୍ଗ୍ରୀଗୁଡାରେ ବିଜେପି  ସମାବେଶରେ ଯୋଗଦେବେ। ଏହା ପରେ ଝରିଗାଁକୁ ଯାଇ ସେଠାରେ ମଧ୍ୟ ଏକଲବ୍ୟ ଆଦର୍ଶ ବିଦ୍ୟାଳୟର ଭତ୍ତିଭୂମି ପୂଜନ କରିବେ। ଏହାପରେ ସନ୍ଧ୍ୟା ୫ଟାରେ ଝରିଗାଁରୁ ସମ୍ବଲପୁର ଜିଲାର ବୁର୍ଲା ଅଭିମୁଖେ ଯାତ୍ରା କରିବାର କାର୍ଯ୍ୟକ୍ରମ ରହିଛି । ମନ୍ତ୍ରୀଙ୍କର ଗସ୍ତକୁ ଦୃଷ୍ଟିରେ ରଖି ଜିଲା ପ୍ରଶାସନ ଓ ପୁଲିସ ପକ୍ଷରୁ ସୁରକ୍ଷା ବ୍ୟବସ୍ଥା କରାଯାଇଥିବାବେଳେ ଭାରତୀୟ ଜନତାପାର୍ଟିର ନେତା ଓ କର୍ମୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି ।

Comments are closed.