ଦେଶକୁ ବିଶ୍ୱ ଉତ୍ପାଦନ କେନ୍ଦ୍ରରେ ପରିଣତ କରିବା ଆତ୍ମନିର୍ଭର ଭାରତର ଲକ୍ଷ୍ୟ – କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ

କେନ୍ଦ୍ର ଇସ୍ପାତ ଓ ପେଟ୍ରୋଲିୟମ ଏବଂ ପ୍ରାକୃତିକ ଗ୍ୟାସ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି ଯେ ଖଣି ହେଉଛି ଏକ ପ୍ରମୁଖ କ୍ଷେତ୍ର ଯେଉଁଥିରେ ଗତ ୬ ବର୍ଷ ମଧ୍ୟରେ ବହୁ ସଂଖ୍ୟକ ନୀତିଗତ ଓ ସଂସ୍କାରମୂଳକ ପଦକ୍ଷେପ ନିଆଯାଇଛି। ଆଜି ପିଏଚଡ଼ି ଚାମ୍ବର ଅଫ କମର୍ସ ଦ୍ୱାରା ଆୟୋଜିତ ଜାତୀୟ ଖଣି ସମ୍ମିଳନୀରେ ଯୋଗ ଦେଇ ସେ ଦେଶକୁ ବିଶ୍ୱ ଉତ୍ପାଦନ କେନ୍ଦ୍ରରେ ପରିଣତ କରିବା ଆତ୍ମନିର୍ଭର ଭାରତର ଲକ୍ଷ୍ୟ ବୋଲି କହିଛନ୍ତି। ଶ୍ରୀ ପ୍ରଧାନ କହିଛନ୍ତି ଯେ ସୁପ୍ରିମକୋର୍ଟଙ୍କ ନିଷ୍ପତ୍ତି ଅନୁଯାୟୀ ଦେଶର ଲୋକମାନଙ୍କ ମାଲିକାନାରେ ଥିବା ପ୍ରାକୃତିକ ସମ୍ପଦର ବିନିଯୋଗ ପାଇଁ ନୂତନ ପଦ୍ଧତିର ଆବଶ୍ୟକତା ରହିଛି।

Addressed the National Mining Summit organised by PHD Chamber of Commerce. Spoke about policy reforms driving mining sector to new heights and called for greater value addition to drive self-reliance in the sector. pic.twitter.com/FQMG7giNHF

— Dharmendra Pradhan (@dpradhanbjp) November 18, 2020

ଶ୍ରୀ ପ୍ରଧାନ କହିଛନ୍ତି ଯେ କୋଇଲା, ଲୁହାପଥର, ବକ୍ସାଇଟ୍, ମାଙ୍ଗାନିଜ୍ ଭଳି ସମସ୍ତ ପ୍ରାକୃତିକ ସମ୍ପଦର ସଠିକ୍ ମୂଲ୍ୟାଙ୍କନ ଏବଂ ବିନିଯୋଗ କରାଯିବା ଉଚିତ ଏବଂ ସ୍ୱଚ୍ଛ ବିଡିଂ ପ୍ରକ୍ରିୟା ମାଧ୍ୟମରେ ମୂଲ୍ୟ ବଜାୟ ରଖିବା ଉଚିତ୍। ପ୍ରକ୍ରିୟାଗୁଡ଼ିକୁ ସରଳ ଏବଂ ସହଜ କରିବା ଆହ୍ୱାନପୂର୍ଣ୍ଣ ବୋଲି ସେ କହିଛନ୍ତି। ମନ୍ତ୍ରୀ କହିଛନ୍ତି ଯେ ଏହି ଯୁଗରେ ଅନ୍ତର୍ଜାତୀୟ ନିବେଶକମାନେ କେବଳ ନିଶ୍ଚିତ ଲାଭ ଦେଖିଲେ ହିଁ ବିନିଯୋଗ କରିବେ। ଏସବୁକୁ ଧ୍ୟାନରେ ରଖି ନୀତି ନିର୍ଦ୍ଧାରଣ କରାଯାଉଛି ବୋଲି ସେ କହିଛନ୍ତି। ଭାରତ ସରକାରଙ୍କ ବିଭିନ୍ନ ବିଭାଗ ଏହି ପରିପ୍ରେକ୍ଷୀରେ ବିଭିନ୍ନ ରାଜ୍ୟ ସରକାରଙ୍କ ସହ କାର୍ଯ୍ୟ କରୁଛନ୍ତି।

ଶ୍ରୀ ପ୍ରଧାନ କହିଛନ୍ତି ଯେ ଏହି କ୍ଷେତ୍ରର ସାମଗ୍ରିକ ଦୃଷ୍ଟିକୋଣକୁ ଗ୍ରହଣ କରାଯିବା ଆବଶ୍ୟକ କାରଣ ଦେଶ କେବଳ ନିଜର ଘରୋଇ ଆବଶ୍ୟକତା ପୂରଣ କରିବା ନୁହେଁ ବରଂ ଏକ ବିଶ୍ୱ ଉତ୍ପାଦନ ହବ୍ ହେବା ଦିଗରେ କାର୍ଯ୍ୟ କରିବା ଆବଶ୍ୟକ।ଟେକ୍ନୋଲୋଜି, ଡିଜିଟାଲାଇଜେସନ୍, ନୂତନ ବ୍ୟବସାୟ ମଡେଲ ଓ ପରିଚାଳନା ଠାରୁ ଆରମ୍ଭ କରି କଞ୍ଚାମାଲ କ୍ରୟ ଏବଂ ମୂଲ୍ୟ ସ୍ଥିର ପର୍ଯ୍ୟନ୍ତ ସମସ୍ତ କାର୍ଯ୍ୟରେ ଅଧିକ ଦକ୍ଷତା ପାଇଁ ଶ୍ରୀ ପ୍ରଧାନ ଆହ୍ୱାନ ଦେଇଛନ୍ତି। ସେ କହିଛନ୍ତି ଯେ ଏକ ବୃହତ ବଜାର ସହିତ ଦେଶକୁ ପ୍ରାକୃତିକ ସମ୍ପଦ ପ୍ରଦାନ କରାଯାଇଛି ଏବଂ ଭାରତ ଏକ ଖଣି ଖନନ ଇକୋସିଷ୍ଟମ ତିଆରି କରିବାକୁ ଏବଂ ଏହି କ୍ଷେତ୍ରରେ ଆତ୍ମନିର୍ଭରଶୀଳ ହେବାକୁ ପ୍ରସ୍ତୁତ ଅଛି।