ଏହି ଔଷଧରେ କରୋନା ରୋଗୀ ଗମ୍ଭୀର ହେବାର ଆଶଙ୍କା ୭୯%କମ

ବ୍ରିଟେନ : କରୋନା ଭ୍ୟାକ୍ସିନ ପ୍ରସ୍ତୁତ ହେବାକୁ ଜୋରସୋରରେ କାମ ଚାଲିଛି। ବିଶ୍ୱରେ ବିଭିନ୍ନ ଦେଶରେ ଏହି ମହାମାରୀ ନିଜର କାୟା ବିସ୍ତାର କରିଛି। କରୋନା ପାଇଁ ଏକ ସ୍ୱତନ୍ତ୍ର ଔଷଧ ନବାହାରିଥିବାରୁ ଏଥିରୁ ମୁକ୍ତି ପାଇଁ ଆବଶ୍ୟକ ଅନୁଯାୟୀ ଔଷଧର ବ୍ୟବହାର ହେଉଛି। ଏକ ସୂଚନା ଅନୁଯାୟୀ ବ୍ରିଟେନର ଏକ କମ୍ପାନୀ ସିନର୍ଜିନରେ (Synairgen) ପ୍ରସ୍ତୁତ ଏକ ଔଷଧର ବ୍ୟବହାରରେ କରୋନା ରୋଗୀଙ୍କୁ ଚିକିତ୍ସା ହୋଇ ପାରୁଛି ବୋଲି ଜଣାପଡ଼ିଛି। କମ୍ପାନୀ ଅନୁଯାୟୀ ତାଙ୍କ ଔଷଧ ଦ୍ୱାରା କରୋନା ରୋଗୀଙ୍କୁ ଗମ୍ଭୀର ହେବାର ବିପଦ ୭୯% ଯାଏଁ କମି ଯାଉଛି।
ଏହି ଔଷଧର ନାମ (SNG001 ) । ଏହା ଇଣ୍ଟରଫେରୋନ ବିଟା ପ୍ରୋଟିନ ଉପରେ ଆଧାରିତ। ଏହି ପ୍ରୋଟିନକୁ ଭାଇରାଲ ସଂକ୍ରମଣ ହେବା ଦ୍ୱାରା ଶରୀର ଉତ୍ପନ କରିଥାଏ। ବ୍ରିଟେନର ଔଷଧ କମ୍ପାନୀ ସିନର୍ଜିନ ଦାବି ଅନୁଯାୟୀ ଏହି ଔଷଧର ବ୍ୟବହାର ଦ୍ୱାରା କରୋନା ରୋଗୀଙ୍କୁ ଖୁବ ଲାଭ ହେଉଛି। ଏହି ଔଷଧ ମଧ୍ୟରେ ଆଣ୍ଟିଭାଇରାଲ ପ୍ରୋଟିନ ରହିଛି।ଏହି ଔଷଧର ବ୍ୟବହାରରେ କରୋନା ସଂକ୍ରମିତ ଗମ୍ଭୀର ହେବାର ଆଶଙ୍କା କମ ରହିବା ସହ , ଯେଉଁ କରୋନା ରୋଗୀଙ୍କୁ ଏହି ଔଷଧ ଦିଆଯାଉଛି ସେ ଏକ ସପ୍ତାହ ମଧ୍ୟରେ ଭଲ ହୋଇ ଯାଉଛନ୍ତି।
ଏହାମଧ୍ୟ ଦାବି ହେଉଛି ଏହି ଔଷଧର ବ୍ୟବହାରରେ କରୋନା ରୋଗୀଙ୍କୁ ନିଶ୍ୱାସପ୍ରଶ୍ୱାସ ନେବାରେ କମ କଷ୍ଟ ଅନୁଭବ ହେଉଛି। ଏହାସହ କରୋନା ରୋଗୀଙ୍କୁ ଆଇସିୟୁର ଆବଶ୍ୟକତା ମଧ୍ୟ କମ ପଡ଼ୁଛି।
ରିପୋର୍ଟ ଅନୁଯାୟୀ, ୩୦ ମାର୍ଚ୍ଚରୁ ୨୭ ମଇ ମଧ୍ୟରେ ବ୍ରିଟେନର ୯ଟି ଭିନ୍ନ ଭିନ୍ନ ହସ୍ପିଟାଲରେ ଭର୍ତି ହୋଇଥିବା ୧୦୧ କରୋନା ସଂକ୍ରମିତଙ୍କୁ ଏହି ଔଷଧ ଦିଆଯାଇଛି। ଏହାର ସୁପ୍ରଭାବ ମଧ୍ୟ ଦେଖିବାକୁ ମିଳୁଛି।ହସ୍ପିଟାଲରେ ଥିବା କରୋନା ସଂକ୍ରମିତଙ୍କ ଚିକିତ୍ସା ପାଇଁ ଏହା ଏକ ବଡ଼ ସଫଳତା ବୋଲି କୁହାଯାଇଛି।

Comments
Loading...