ଦୁଇଟି ମାଲବାହୀ ଟ୍ରେନ୍ ମୁହାଁମୁହିଁ ଧକ୍କା : ୩ ମୃତ

ନୂଆଦିଲ୍ଲୀ: ମଧ୍ୟପ୍ରଦେଶର ସିଙ୍ଗରୌଲୀରେ ଦୁଇଟି ମାଲବାହୀ ଟ୍ରେନ୍ ରବିବାର ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ୩ ଜଣଙ୍କ ମୃତ୍ୟୁ ହୋଇଥିବା ପୁଲିସଠାରୁ ସୂଚନା ମିଳିଛି।

ମିଳିଥିବା ସୂଚନା ଅନୁଯାୟୀ, ବୈଧାନ ଥାନାର ରିହନ୍ଦ ନଗରରୁ ଏକ ମାଲବାହୀ ଟ୍ରେନ୍ କୋଇଲା ନେଇ ଯାଉଥିଲା। ସାମ୍ନା ପଟରୁ ଅନ୍ୟ ଏକ ଖାଲି ମାଲବାହୀ ଟ୍ରେନ୍ ଫେରୁଥିଲା। ଉଭୟ ଗାଡି ଦ୍ରୁତ ଗତିରେ ଥିବାରୁ ପରସ୍ପର ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା। ଏନେଇ ଖବର ମିଳିବା ପରେ ଘଟଣାସ୍ଥଳରେ ଏନଟିପିସି ଓ ସ୍ଥାନୀୟ ପୁଲିସ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ।

Madhya Pradesh: 2 cargo trains carrying coal collide in Singrauli. Loco pilot and assistant loco pilot reported to be trapped. Rescue operation by NTPC team and police is underway. pic.twitter.com/QxYd3DhsRU

— ANI (@ANI) March 1, 2020

ଦୁଇଟି ଟ୍ରେନ୍ ଧକ୍କା ହେବା ଫଳରେ କୋଇଲା ଭର୍ତ୍ତି ମାଲଗାଡିର ଏକ ଡବା ଖାଲି ମାଲଗାଡିର ଇଞ୍ଜିନ ଉପରେ ଚଢିଯାଇଥିଲା। ଇଞ୍ଜିନରେ ଦୁଇ ଜଣ ଡ୍ରାଇଭର ଥିଲେ। ସେମାନଙ୍କୁ ଏପର୍ଯ୍ୟନ୍ତ ଉଦ୍ଧାର କରାଯାଇପାରିନାହିଁ। ବଗିରୁ କୋଇଲା ଖାଲି କରାଯିବା ପରେ ଏନଟିପିସିର ଦୁଇ କ୍ରେନ୍ ବଗି ଉଠାଇବା କାର୍ଯ୍ୟ ଆରମ୍ଭ କରିଛନ୍ତି। ଏହି ରେଳ ଧାରଣାରେ କେବଳ ମାଲଗାଡି ପରିବହନ ହୋଇଯାଏ।