ବିନିକାରେ ଟ୍ରିପଲ ମର୍ଡର: ବାପା, ମା’ ଓ ପୁଅକୁ ନିର୍ମମ ହତ୍ୟା

ସୁବର୍ଣ୍ଣପୁର: ସୁବର୍ଣ୍ଣପୁର ଜିଲା ବିନିକା ଥାନା ଅନ୍ତର୍ଗତ ସିଲାଟି ଗାଁରେ ଟ୍ରିପଲ ମର୍ଡର ଘଟିଛି। ଗୋଟିଏ ପରିବାରର ବାପା, ମା’ ଓ ପୁଅକୁ ନିର୍ମମ ଭାବେ ହତ୍ୟା କରାଯାଇଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। କିଏ ଏବଂ କାହିଁକି ଏମାନଙ୍କୁ ହତ୍ୟା କରିଛି ତାହା ଜଣାପଡ଼ି ନ ଥିବାବେଳେ ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି।

ସୂଚନା ଅନୁସାରେ, ହତ୍ୟାର ଶିକାର ହୋଇଛନ୍ତି ସିଲଟି ଗ୍ରାମର ଗୁଲୁ ଭୋଇ(୬୦), ତାଙ୍କ ପତ୍ନୀ ବୈଦେହୀ ଭୋଇ(୫୫) ଏବଂ ପୁଅ ଶିବା ଭୋଇ(୨୩)। ବୁଧବାର ବିଳମ୍ବିତ ରାତିରେ ହତ୍ୟାକାଣ୍ଡ ଘଟିଥିବା ଅନୁମାନ କରାଯାଉଛି। ଗୁରୁବାର ସକାଳେ ଶିବାର ରକ୍ତାକ୍ତ ମୃତଦେହ ବାହାରେ ପଡ଼ିଥିବା ସ୍ଥାନୀୟ ଲୋକେ ପୁଲିସକୁ ଖବର ଦେଇଥିଲେ। ପୁଲିସ ପହଞ୍ଚିବା ପରେ ଘର ଭିତରୁ ଗୁଲୁ ଏବଂ ତାଙ୍କ ପତ୍ନୀ ବୈଦେହୀଙ୍କ ମୃତଦେହ ମିଳିଥିଲା। ସମସ୍ତ ମୃତଦେହ ଜବତ କରି ପୁଲିସ ତଦନ୍ତ ଚଳାଇଛି। କେହି ଦୁର୍ବୃତ୍ତ ଘରେ ପଶି ୩ ଜଣଙ୍କୁ ହତ୍ୟା କରିଥିବା ଅନୁମାନ କରାଯାଉଛି। ଏପରି କି ଘଟଣାରେ ଏକାଧିକ ଅପରାଧୀଙ୍କ ସମ୍ପୃକ୍ତି ଥିବା ସନ୍ଦେହ କରାଯାଉଛି।

Comments
Loading...