MEllora 950×100

ଟିଟିଲାଗଡ଼ ବନ୍ଦ ନେଇ ବାଇକ ଶୋଭାଯାତ୍ରାରେ ସାମିଲ ହେଲେ ପୌରାଧ୍ୟକ୍ଷା

ଟିଟିଲାଗଡ଼: ଜିଲ୍ଲା ଦାବିକୁ ନେଇ ଆଜି ଟିଟିଲାଗଡ଼ ବନ୍ଦ ଡାକରାରେ ସହରବାସୀ ସମ୍ପୂର୍ଣ୍ଣ ଭାବରେ ସମର୍ଥନ ସହ ଆନ୍ଦୋଳନରେ ସାମିଲ ହୋଇଛନ୍ତି l ଜିଲ୍ଲା କ୍ରିୟାନୁଷ୍ଠାନ କମିଟି ଆବାହକ ସଞ୍ଜୟ ବେହେରାଙ୍କ ନେତୃତ୍ୱରେ ବହୁ ସଂଖ୍ୟାରେ ଜନତା ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଜାତୀୟ ରାଜପଥ ୫୯ରେ ସକାଳ ୬ଟାରୁ ଧାରଣା ଦେଇଛନ୍ତି l କ୍ରିୟାନୁଷ୍ଠାନ କମିଟି ଆବାହକ ତଥା ବାର ଆସୋସିଏସନ ସଭାପତି ସଞ୍ଜୟ ବେହେରାଙ୍କ ନେତୃତ୍ୱରେ ଆଇନଜୀବୀ କୋର୍ଟ ସମ୍ମୁଖରେ ପିକେଟିଂ କରିବାରୁ ବିଚାରପତି ମାନେ ଫେରି ଯାଇଥିଲେ l ଏନେଇ ଅନୁଷ୍ଠିତ ବାଇକ ଶୋଭାଯାତ୍ରାରେ ଟିଟିଲାଗଡ଼ ପୌରାଧ୍ୟକ୍ଷା ମମତା ଜୈନ ସାମିଲ ହୋଇଥିଲେ l

ବାର ଆସୋସିଏସନ ସମ୍ପାଦକ କାର୍ତ୍ତିକ ଛତର ବିଜେପି ନଗର ସଭାପତି ପ୍ରଶାନ୍ତ ଷଡ଼ଙ୍ଗୀ, ଟିଟିଲାଗଡ଼ ଗରିବ ସେନା ସଭାପତି ବୀରେନ୍ଦ୍ର ବାଗ, ବିକାଶ ସେନା ସଭାପତି ଇଂ ଅମ୍ଲାନ ଷଡ଼ଙ୍ଗୀ, ଉପଖଣ୍ଡ ଯାଦବ ମହାସଭା ସଭାପତି ଘିନୁ ଆଡଜୁଆଡ଼, ନାରୀ ନେତ୍ରୀ ଅଞ୍ଜଳି ବେହେରା, ଜିଲ୍ଲା ସରପଞ୍ଚ ସଂଘ ସଭାପତି ବିରବର ସାହୁ, ରାଜ୍ୟ ସରପଞ୍ଚ ସଙ୍ଘ କାର୍ଯ୍ୟକାରୀ ସଭାପତି ହରିନାରାୟଣ ମିଶ୍ର, କେପିଏସଏସ ସାଧାରଣ ସମ୍ପାଦକ ଉପେନ୍ଦ୍ର ବାଗ, ସମାଜସେବୀ ହିଫଜୁଲ ରେହମାନ ଆଦିବାସୀ ନେତା ଜଗନ୍ନାଥ ମାଝୀ, ଟୁନିଆ ପାଣିଗ୍ରାହୀ, ସନ୍ତୋଷ ମହାନ୍ତି, କାଉନସିଲର ବୁଦ୍ଧିଆ ଆଚାର୍ଯ୍ୟ, ମନୋଜ ଜୈନ, ବ୍ୟବସାୟୀ ସଂଘ ସଭାପତି ଗୋପାଳ ଜୈନ, ସୂର୍ଯ୍ୟ ଚୌଧୁରୀ ପ୍ରମୁଖ ଆନ୍ଦୋଳନରେ ସାମିଲ ହୋଇଛନ୍ତି l

ସହର ସମସ୍ତ ଦୋକାନ ବଜାର, ଶିକ୍ଷାନୁଷ୍ଠାନ, ସରକାରୀ ବେସରକାରୀ କାର୍ଯ୍ୟାଳୟ ବନ୍ଦ ରହିଛି l ଯାନବାହାନ ଚଳାଚଳ ସମ୍ପୂର୍ଣ୍ଣ ଠପ ରହିଛି l ଆନ୍ଦୋଳନକାରୀ ସହରର ବିଭିନ୍ନ ଛକରେ ଟାୟାର ଜାଳି ରାସ୍ତା ଅବରୋଧ କରିଛନ୍ତି l ଭାରପ୍ରାପ୍ତ ମାଜିଷ୍ଟ୍ରେଟ ପ୍ରେମଲାଲ ହିଆଲ, ଏସଡ଼ିପିଓ ଅଙ୍କିତା କୁମ୍ଭାର ଥାନା ଆଇଆଇସି ରଞ୍ଜନ ବରିହାଙ୍କ ନେତୃତ୍ୱରେ ସହରର ବିଭିନ୍ନ ଛକରେ ବ୍ୟାପକ ପୁଲିସ ବଳ ମୁତୟନ ରହିଛନ୍ତି l

Comments are closed.