ଟିଟିଲାଗଡ଼: ଟିଟିଲାଗଡ଼ ଅଞ୍ଚଳରେ ଗତ ପାଞ୍ଚ ଦିନ ଧରି ଲଗାଣ ବର୍ଷା ଯୋଗୁଁ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ଜୋରନାଳ ଭର୍ତ୍ତି ହେବା ସହ ଚଳିତ ବର୍ଷ ପ୍ରଥମ ଥର ପାଇଁ ତେଲ ନଦୀରେ ବନ୍ୟା ଆସିଛି । ବନ୍ୟା ଜଳ ଟିଟିଲାଗଡ଼ ବେଲଗାଁ ଜାତୀୟ ରାଜପଥ ୫୯ଉପରେ ତରସିଂହା ଗାଁ ନିକଟରେ ପ୍ରବାହିତ ହେଉଛି । ଖବର ପାଇ ଟିଟିଲାଗଡ଼ ଉପଜିଲାପାଳ ମନୋଜ ସତ୍ୟବାନ ମହାଜନଙ୍କ ନିର୍ଦେଶ କ୍ରମେ ଟିଟିଲାଗଡ଼ ଅଗ୍ନିଶମ ବିଭାଗ କର୍ମଚାରୀ ପହଞ୍ଚି ସ୍ଥିତି ପରଖିଛନ୍ତି । ବନ୍ୟା ଜଳରେ ବିକେପୁର ପଞ୍ଚାୟତର ଚୋରମରା, ତରାସିଂହା, ରିଗଡୁଲ, ବିଜେପୁର ତଥା ସଇଁତଲା ବ୍ଲକର ବେଲଗାଁ ଅଞ୍ଚଳର ଚାଷ ଜମିକୁ ମାଡି ଯାଇଛି । ଫଳରେ ଶହଶହ ଏକର ଚାଷ ଜମି ଜଳ ପ୍ଲାବିତ ହୋଇ ଧାନ ଫସଲ ନଷ୍ଟ ଆଶଙ୍କା ସୃଷ୍ଟି କରିଛି । ଅନ୍ୟପକ୍ଷରେ ଲଗାଣ ବର୍ଷା ଯୋଗୁଁ ଅନେକ ଲୋକଙ୍କ ମାଟିଖପର ଘର ଭାଙ୍ଗିଛି । ଟିଟିଲାଗଡ଼ ତହସିଲଦାର ବନ୍ୟାଞ୍ଚଳ ଗସ୍ତ ଶହ କ୍ଷୟକ୍ଷତି ଆକଳନ କରାଯାଉଥିବା ସୂଚନା ଦେଇଛନ୍ତି ।
Comments are closed.