ଭୁବନେଶ୍ୱର: ଟିଣ୍ଡର ଆପରୁ ପ୍ରେମ ଓ ପରେ ବ୍ଲାକ୍ମେଲିଂ ମାମଲାରେ ଚନ୍ଦ୍ରଶେଖରପୁର ପୁଲିସ ୫ ଜଣଙ୍କୁ ଗିରଫ କରିଛି। ଅପହରଣ, ଚୋରି ଓ ଠକେଇ ମାମଲାରେ ଯୁବତୀଙ୍କ ସମେତ ୩ ସହଯୋଗୀଙ୍କୁ ଗିରଫ କରାଯାଇ ଥିବା ବେଳେ ନିଶା ଦେଇ ସଂପୃକ୍ତ ଯୁବତୀଙ୍କୁ ଦୁଷ୍କର୍ମ କରିବା ଅଭିଯୋଗରେ ଘରୋଇ ବ୍ୟାଙ୍କ ଅଧିକାରୀଙ୍କୁ ମଧ୍ୟ ଗିରଫ କରାଯାଇଛି।
ସୂଚନାଯୋଗ୍ୟ, ଟିଣ୍ଡର ଆପରେ ଜଣେ ଅଧ୍ୟାପିକାଙ୍କ ସହ ବ୍ୟାଙ୍କ ଅଧିକାରୀ ସୁନୀଲ ମିଶ୍ରଙ୍କ ପ୍ରେମ ସମ୍ପର୍କ ଗଢି ଉଠିଥିଲା। ପରେ ଅଧ୍ୟାପିକା ଜଣଙ୍କ ନିଜର କିଛି ସହଯୋଗୀମାନଙ୍କ ସହ ମିଶି ସୁନୀଲଙ୍କୁ ଅପହରଣ କରିବା ସହ ୫ ଲକ୍ଷ ଟଙ୍କା ମାଗିଥିଲେ। ଏନେଇ ସୁନୀଲ ଓ ତାଙ୍କ ମାଆ ଥାନାରେ ଅଭିଯୋଗ କରିଥିଲେ। ଏହି ଅଭିଯୋଗ ଆଧାରରେ ପୁଲିସ ତଦନ୍ତ କରି ସଂପୃକ୍ତ ଅଧ୍ୟାପିକାଙ୍କୁ ଥାନାକୁ ଡକାଇ ପଚରାଉଚରା କରିଥିଲା। ଏହା ପରେ ଏହି ମାମଲା ନୂଆ ମୋଡ ନେଇଥିଲା। ନିଶା ଦେଇ ସୁନୀଲ ତାଙ୍କ ସହ ଦୁଷ୍କର୍ମ କରିଥିଲେ ବୋଲି ଅଧ୍ୟାପିକା ଜଣଙ୍କ ପାଲଟା ଅଭିଯୋଗ କରିଥିଲେ। ଦୁଇଟି ଅଭିଯୋଗ ଆଧାରରେ ପୁଲିସ ୨ଟି ମାମଲା ରୁଜୁ କରି ତଦନ୍ତ ଆରମ୍ଭ କରିଥିଲା। ଆଜି ଉଭୟ ଅଭିଯୋଗକାରୀଙ୍କ ସମେତ ପୁଲିସ ୫ ଜଣଙ୍କୁ ଗିରଫ କରିଛି।
Comments are closed.