ମଣିଷକୁ ପାଣି ମାଗିଲା ଶୋଷ ଆତୁର ଗୁଣ୍ଡୁଚି; ଭିଡ଼ିଓ ଭାଇରାଲ

ସମାଜିକ ଗଣମାଧ୍ୟମରେ ଏକ ଗୁଣ୍ଡୁଚି ପାଣି ଲୋକଙ୍କୁ ପାଣି ମାଗିବା ଓ ପାଣି ପିଇବାର ଦୃଶ୍ୟ ଭାଇରାଲ ହୋଇଛି ।

ଭିଡ଼ିଓରେ ଦେଖାଯାଇଛି ଯେ ଗୋଟାଏ ଗୁଣ୍ଡୁଚି ଦୁଇ ପଛ ଗୋଡ଼ରେ ଠିଆ ହୋଇ ପାଣି ବୋତଲ ନେଇ ଯାଉଥିବା ଜଣେ ବ୍ୟକ୍ତିଙ୍କୁ ହାତ ହଲାଉଛି । ପାଣି ପିଇବାକୁ ମାଗୁଛି । ପାଣି ବୋତଲ ନେଇ ଯାଉଥିବା ବ୍ୟକ୍ତି ତାକୁ ପାଣି ପିଆଉଛନ୍ତି । ଆଉ ପାଣି ପିଇବା ପରେ ଗୁଣ୍ଡୁଚି ଖୁସିରେ ଡ଼ିଆଁ ମାରି ପଳାଇ ଯାଉଛି । ଆଇଏଫଏସ୍ ଅଫିସର ସୁଶାନ୍ତ ନନ୍ଦ ନିଜ ଟ୍ବିଟର ଆକାଉଣ୍ଟରେ ପୋଷ୍ଟ କରିଥିବା ଏହି ଭିଡ଼ିଓ ଏବେ ସୋସିଆଲ ମିଡ଼ିଆ ସେନସେସନ ପାଲଟିଛି । ଏହାକୁ ବହୁ ଲୋକ ସେୟାର କରିଛନ୍ତି । ଟ୍ବିଟରରେ ଏହାକୁ ପ୍ରାୟ ସାଢ଼େ ୪ ଲକ୍ଷ ଓ ରେଡ଼ିଟରେ ଏହାକୁ ୩୦ ଲକ୍ଷ ଲୋକ ଦେଖି ସାରିଲେଣି ।