କେନ୍ଦ୍ରକୁ କହିଲେ ସୁପ୍ରିମକୋର୍ଟ – ପ୍ରବାସୀଙ୍କ ପାଇଁ ଖାଦ୍ୟ ଓ ରେଳ ଭଡା ନେଇ ସ୍ୱଚ୍ଛ ନୀତି ହେବା ଆବଶ୍ୟକ

ସମାଜ ପୋର୍ଟାଲ ଡେସ୍କ: ଗୁରୁବାର ସର୍ବୋଚ୍ଚ ନ୍ୟାୟାଳୟ ପ୍ରବାସୀ ଶ୍ରମିକଙ୍କ ସହ ସମ୍ପର୍କିତ କେତେକ ବିଷୟ ଉପରେ ଅନେକଗୁଡ଼ିଏ ଗୁରୁତ୍ୱପୂର୍ଣ୍ଣ ପ୍ରଶ୍ନ ପଚାରିଛନ୍ତି। ସାରା ଦେଶରେ ଲକ ଡାଉନ ଚାଲିଥିବା ବେଳେ ପ୍ରବାସୀ ଶ୍ରମିକମାନଙ୍କୁ କିଭଳି ଖାଦ୍ୟ ଯୋଗାଇ ଦିଆଯାଉଛି ଓ ସେମାନେ ଯାତ୍ରା କରୁଥିବା ଓ କରିବାକୁ ଥିବା ଟ୍ରେନରେ ଭଡା କିଭଳି ଭରଣା ହେଉଛି ସେ ନେଇ ପ୍ରଶ୍ନ କରିଛନ୍ତି।

ଜଷ୍ଟିସ ଅଶୋକ ଭୂଷଣ, ଏସ କେ କୌଲ ଏବଂ ଏମ ଆର ଶାହାଙ୍କୁ ନେଇ ଗଠିତ ଖଣ୍ଡପୀଠ ସଲିସିଟର ଜେନେରାଲ ତୁଷାର ମେହେଟ୍ଟାଙ୍କୁ ପ୍ରବାସୀ ଶ୍ରମିକଙ୍କ ରେଳ ଭଡା ଯୋଗୁ ଉପୁଜିଥିବା ଦ୍ଵନ୍ଦ ସମ୍ପର୍କରେ ପଚାରିଥିଲେ। ଖଣ୍ଡପୀଠ ପଚାରିଥିଲେ ଯେ ପ୍ରବାସୀ ଶ୍ରମିକମାନଙ୍କୁ ଟିକେଟ ପାଇଁ ଅର୍ଥ ଦେବାକୁ କୁହାଯାଉଛି କି, ରାଜ୍ୟ ସରକାର କିଭଳି ଉପାୟରେ ଟିକେଟ ଅର୍ଥ ଭରଣା କରୁଛନ୍ତି ଏବଂ ପ୍ରବାସୀ ଶ୍ରମିକମାନଙ୍କୁ ଟିକେଟ ପାଇଁ ବାଧ୍ୟ କରାଯାଉଛି କି?

ଖଣ୍ଡପୀଠ ଆହୁରି ମଧ୍ୟ ପ୍ରଶ୍ନ କରିଛନ୍ତି ଯେ ଯଦି ଜଣେ ପ୍ରବାସୀଙ୍କୁ ଚିହ୍ନଟ କରାଯାଏ, ତେବେ ତାଙ୍କୁ ଏକ ସପ୍ତାହ କିମ୍ବା ଦଶ ଦିନ ମଧ୍ୟରେ ନିଶ୍ଚିତ ସ୍ଥାନାନ୍ତର କରିବ ନେଇ କଣ ବ୍ୟବସ୍ଥା ରହିଛି ଓ ସେଥିପାଇଁ ସାଧାରଣ ସମୟ କଣ?

Comments
Loading...