ଦୁର୍ଘଟଣାର ୧୮ ଘଣ୍ଟା ପରେ ମୃତଦେହ ଜବତ କଲା ରେଳ ବିଭାଗ

ରେଙ୍ଗାଲିକେମ୍ପ : ବରଗଡ଼ ଜିଲ୍ଲା ଅତାବିରା ରେଳ ଲାଇନ ଅତାବିରା- ଗୋଡ଼ଭଗା ମଝିରେ ଭୋଇପାଲି ଝାଉଁଜୋର ନିକଟ ତଥା ରେଲୱେ ଲାଇନ ଖୁଣ୍ଟ ନଂ ୫୮୫/୨ ପାଖରେ ଦୁର୍ଘଟଣା ପରେ ଏକ ମୃତଦେହ ପଡି ରହିଥିଲା। ଘଣ୍ଟାଏ କି ଦୁଇ ଘଣ୍ଟା ନୁହେଁ ଦୀର୍ଘ ୧୮ ଘଣ୍ଟା ପରେ ପୁଲିସ ମୃତଦେହକୁ ଜବତ କରିଛି।

ବିଶ୍ୱସ୍ତ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଯୁବକଟି ଅମଳିପାଲି ଗ୍ରାମର ସଦାନନ୍ଦ ଭୁଏ ଙ୍କ ବଡ ପୁଅ ବିଭୁତି ଭୁଏ। ସଦାନନ୍ଦ ଭୁଏ ଦୀର୍ଘ ଦଶ ବର୍ଷ ହେବ ନିଜ ଘର ଛାଡ଼ି ସରଣ୍ଡା ସ୍ଥିତ ଭୁଲିଆ ଛକ ଠାରେ ନିଜ ପରିବାର କୁ ଧରି ପେଟ ପାଟଣା ପାଇଁ କୁଲି ମଜୁରୀ କାମ କରିଆସୁଥିଲେ। ଭୁଏ ଙ୍କ ଦୁଇ ପୁଅ ବିଭୁତି ଓ ଗିରିଷ।ହେଲେ ଗତ ସନ୍ଧ୍ୟାରୁ ପୁଅ ଘରକୁ ଫେରି ନଥିବାରୁ  ପରିବାର ଲୋକେ ସନ୍ଦେହ ପ୍ରକାଶ କରିଥିଲେ। ଯାହା ଆଜି ଚାରିଆଡେ ଚର୍ଚ୍ଚା ହେବା ପରେ ପୁଅର ଠାବ ମିଳିଥିଲା ରେଳ ଧାରଣା କଡରୁ। କିପରି ଭାବେ ଘଟଣା ଘଟିଥିଲା ତାହା ଏବେ ସୁଦ୍ଧା ସ୍ପଷ୍ଟ ହୋଇନଥିବା ବେଳେ ସାଧାରଣ ଲୋକଙ୍କ କଥାରୁ ଜଣାପଡେ ଯେ, ଗତକାଲି ସନ୍ଧ୍ୟାରୁ ଏକ ଟ୍ରେନରେ ଦୁର୍ଘଟଣା ଘଟି ଦୀର୍ଘ ସମୟ ଧରି ବେସାହାରା ହୋଇ ପଡି ରହି ସ୍ଥାନୀୟ ଲୋକଙ୍କ ସୂଚନା କ୍ରମେ ଅତାବିରା ଷ୍ଟେସନ ଜରିଆରୁ ଖବର ପାଇ ବରଗଡ଼ ସବ ଇନିସ୍ପେକ୍ଟର ଏସ୍.ଇ ପଣ୍ଡା ଓ ସମ୍ବଲପୁର ଜି ଆର ପି ସବ ଇନିସ୍ପେକ୍ଟର ସଦଲବଳେ ଉକ୍ତ ଘଟଣା ସ୍ଥଳକୁ ପହଞ୍ଚି ପ୍ରାରମ୍ଭିକ ତଦନ୍ତ ସହ ଶବ ବ୍ୟବଚ୍ଛେଦ ପାଇଁ ପଠାଇ ଅଧିକ ତଦନ୍ତ ଜାରି ରଖିଛି। ତେବେ ପ୍ରଶ୍ନ ଉଠୁଛି ଯେ ଦୀର୍ଘ ସମୟ ପର୍ଯ୍ୟନ୍ତ କିପରି ଭାବରେ ରେଲୱେ ବିଭାଗ କୁ ଘଟଣା ଜଣା ପଡି ନଥିଲା। ଘଟଣା ଘଟିବା ପରେ ସେହି ଧାରଣା ଦେଇ ଗୋଟିଏ ପରେ ଗୋଟିଏ ଟ୍ରେନ ଯିବା ଆସିବା କରିଥିବ। ହେଲେ ବିଭଗୀୟ କର୍ମଚାରୀ ମାନଙ୍କ ଦୃଷ୍ଟି ପଡି ନଥିଲା କି ବିଭାଗ ର ମାନବିକତା ନଥିବା ଯୋଗୁଁ ଶବଟି ଦୀର୍ଘ ସମୟ ଧରି ପଡି ରହିଲା ତାହା ଏବେ ସାଧାରଣରେ ଚର୍ଚ୍ଚା ହେଉଛି।

Comments
Loading...