ବ୍ଲକ ଅଧ୍ୟକ୍ଷ ଏବଂ ବିଡିଓଙ୍କ ମଧ୍ୟରେ ମତାନ୍ତର – ଅଣଦେଖା ଅଭିଯୋଗ କଲେ ଅଧ୍ୟକ୍ଷ

ଜି ଉଦୟଗିରି –   ଉଦୟଗିରି ବ୍ଲକ ଅଧ୍ୟକ୍ଷ ଏବଂ ସ୍ଥାନୀୟ ବିଡ଼ିଓଙ୍କ ମଧ୍ୟରେ ଚାଲିଥିବା ଦୀର୍ଘ ଦିନର ମତାନ୍ତର ଏବେ ଉଗ୍ରରୂପ ନେଇଛି । ଏହି କଳି ଏବେ ଦାଣ୍ଡରେ ପଡି ହାଟରେ ଗଢୁଛି ! ବିଡ଼ିଓ ଆଶୀଷ ତ୍ରିପାଠୀ ବ୍ଲକ ଚେୟାରମ୍ୟାନ ସୁଷମା ପ୍ରଧାନଙ୍କୁ ଦୀର୍ଘ ୯ ମାସ ଧରି ଅଣଦେଖା କରୁଥିବା ଅଭିଯୋଗ ହୋଇଛି ।

ଶେଷରେ ଏପରି ପରିସ୍ଥିତି ହୋଇଛି ବ୍ଲକ ଅଧ୍ୟକ୍ଷ କାର୍ଯ୍ୟାଳୟ ପରିସରରେ ଏକ ସାମ୍ବାଦିକ ସମ୍ମିଳନୀ କରି ତୀବ୍ର ଅସନ୍ତୋଷ ଜାହିର ପ୍ରାକଶ କରିଛନ୍ତି । ଦୀର୍ଘ ଦିନ ଧରି ବିଡ଼ିଓ ଆଶିଷ ତ୍ରିପାଠୀ ବ୍ଲକ ଚେୟାରମ୍ୟାନଙ୍କୁ ଅଣଦେଖା କରିବା ସହ ହଇରାଣ କରୁଥିବା ସେ କହିଛନ୍ତି । ଏମିତି କି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ମହିଳାଙ୍କୁ ସମ୍ମାନ ଦେଉଥିବା ବେଳେ ବିଡ଼ିଓ ତାଙ୍କୁ ଅସମ୍ମାନ କରୁଥିବା କହିଛନ୍ତି ।

ବ୍ଲକର ଉନ୍ନୟନ କାର୍ଯ୍ୟରେ ତାଙ୍କୁ ବିଡ଼ିଓ ସାମିଲ କରୁନାହାନ୍ତି କି ତାଙ୍କ ପରାମର୍ଶ ନେଉ ନାହାନ୍ତି ବୋଲି ଅଭିଯୋଗ କରିଛନ୍ତି । ଏଭଳି ସଙ୍ଗୀନ ଅଭିଯୋଗ ଆଣି ବ୍ଲକ ଚେୟାରମ୍ୟାନ ସୁଷମା ପ୍ରଧାନ ବିଡ଼ିଓଙ୍କ ବିରୋଧରେ ଜିଲ୍ଲାପାଳ, ଏସପିଙ୍କୁ ଭେଟି ଲିଖିତ ଅଭିଯୋଗ ଦେଇଛନ୍ତି ।୧୫ ଦିନ ଭିତରେ ବିଡ଼ିଓ ଆଶିଷ ତ୍ରିପାଠୀଙ୍କୁ ବଦଳି ନ କଲେ ସେ ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିବେ ବୋଲି କହିଛନ୍ତି । ବିଡିଓଙ୍କ ଫୋନ୍‌ ନମ୍ବରରେ ସମାଜର ସ୍ଥାନୀୟ ପ୍ରତିନିଧି ଯୋଗା ଯୋଗ କରିବା ପାଇଁ ଚେଷ୍ଟା କରିଥିଲେ । ଏ ବିଷୟରେ ବିଡିଓଙ୍କୁ ଯୋଗାଯୋଗ କରାଯାଇଥିଲେ ମଧ୍ୟ ତାଙ୍କର ପ୍ରତିକ୍ରିୟା ମିଳି ପାରିନାହିଁ ।

Comments are closed.