ଠାକୁରମୁଣ୍ଡା: ମୟୂରଭଞ୍ଜ ଜିଲ୍ଲା ମହୁଲଡିହା ଥାନା ଅନ୍ତର୍ଗତ ସାତକୋଶିଆ ଗ୍ରାମପଞ୍ଚାୟତର ଜାମୁନଣ୍ଡା ଗ୍ରାମରେ ଏକ ଅଭାବନୀୟ ଘଟଣା ଘଟିଛି।ବୁଧବାର ଅପରାହ୍ନରେ ଘରେ କେହି ନଥିବା ସମୟରେ ଜଣେ ମହିଳା ଦେହରେ କିରୋସିନି ଢାଳି ହୋଇ ଆତ୍ମହତ୍ୟା କରିବାକୁ ଉଦ୍ୟମ କରିଛନ୍ତି। ମହିଳାଙ୍କ ଶରୀର ନିଆଁରେ ପ୍ରାୟ ୯୦% ପୋଡ଼ି ଯାଇଥିବା ବେଳେ ମୁର୍ମୁଶୁ ଅବସ୍ଥାରେ ତାଙ୍କୁ ଚିକିତ୍ସା ପାଇଁ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରାଯାଇଛି। ସେଠାରେ ତାଙ୍କର ଚିକିତ୍ସା ଚାଲିଥିବା ବେଳେ ମହିଳା ଜଣକ ଅବସ୍ଥା ସଂକଟାପନ୍ନ ରହିଛି।
ପରିବାର ଲୋକ କହିବା ଅନୁଯାୟୀ ସିଦିଆ ପ୍ରଧାନର ସ୍ତ୍ରୀ ଚିନୁ ପ୍ରଧାନ ବୟସ ୫୦ ପାଖାପାଖି, କିଛିଦିନ ହେବ ମସ୍ତିଷ୍କ ଅସ୍ଥିର ରହୁଥିଲା। ଆଜି ଦିନ ପ୍ରାୟ ୧ ଟା ସମୟରେ ଘରେ କେହି ନଥିବା ବେଳେ ଚିନୁ ଘରେ ଥିବା କିରାସିନିକୁ ଦେହରେ ଢାଳି ହୋଈ ନିଆଁ ଲଗାଇ ଦେଇଥିଲେ। ଦେହରେ ନିଆଁ ଜଳୁ ଥିବା ଅବସ୍ଥାରେ ଚିନୁ ଘର ନିକଟରେ ଥିବା ପୋଖରୀ ଆଡକୁ ଦୌଡ଼ି ଯାଉଥିବା ସମୟରେ କିଛି ବାଟ ପରେ ରାସ୍ତାରେ ପଡି ଯାଇଥିଲେ।ଗ୍ରାମବାସୀମାନେ ଦେଖିବା ପରେ ପରିବାର ଲୋକଙ୍କୁ ଖବର ଦେଇଥିଲେ। ତାଙ୍କୁ ଘଟଣାସ୍ଥଳରୁ ଉଦ୍ଧାର କରାଯାଇ ୧୦୮ ଆମ୍ବୁଲାନ୍ସ ଯୋଗେ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ରେ ପରିବାର ଲୋକେ ଭର୍ତ୍ତି କରିଥିଲେ। ପ୍ରାଥମିକ ଚିକିତ୍ସା ପରେ ଗୁରୁତର ହେବାରୁ ତାଙ୍କୁ ଆନନ୍ଦପୁର ଉପଖଣ୍ଡ ଚିକିତ୍ସାଳୟ ସ୍ଥାନାନ୍ତରିତ କରାଯାଇଛି।
Comments are closed.