ଠାକୁରମୁଣ୍ଡା : ମୟୁରଭଞ୍ଜ ଜିଲା ଠାକୁରମୁଣ୍ଡା ବଜାର ନିକଟବର୍ତ୍ତି ଅଞ୍ଚଳରେ ଏକ ପାଗଳା କୁକୁର କାମୁଡ଼ାରେ ଗତକାଲି ଠାରୁ ଗୁରୁବାର ପର୍ଯ୍ୟନ୍ତ ପ୍ରାୟ ୨୦ଜଣ ଆହତ ହୋଇ ଥିବା ଜଣାପଡ଼ିଛି। ପାଗଳା କୁକୁର କାମୁଡ଼ାରେ ଆକ୍ରାନ୍ତ ମାନେ ଠାକୁରମୁଣ୍ଡା ସ୍ୱାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ଆସୁଥିବା ବେଳେ ସ୍ୱାସ୍ଥ୍ୟ କେନ୍ଦ୍ରରେ କୁକୁର କାମୁଡ଼ା ଇଞ୍ଜେକସନ ଉପଲବ୍ଧ ନ ଥିବାରୁ ଆହତ ମାନଙ୍କୁ କଟକ ବଡଡାକ୍ତରଖାନାକୁ ସ୍ଥାନାନ୍ତରିତ କରାଯାଇଛି। ପାଗଳା କୁକୁର କାମୁଡୁ ଥିଲେ ମଧ୍ୟ କୁକୁରକୁ ଆୟତ୍ତ କରାଯାଇ ପାରିନାହିଁ। ପାଗଳା କୁକୁର ଆକ୍ରମଣ ଯୋଗୁଁ ସ୍ଥାନୀୟ ଲୋକମାନେ ଆତଙ୍କିତ ହୋଇଯାଇଛନ୍ତି। ତେବେ ଭାରାପ୍ରାପ୍ତ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ଅଧିକାରୀଙ୍କୁ ପଚାରିବାରୁ ଏଠାରେ ୩ ମାସ ହେଲାଣି ଇଞ୍ଜେକସନ ନ ଥିବା ପ୍ରକାଶ କରିଥିଲେ।
Comments are closed.