ଫେଞ୍ଚ୍ ଓପନ୍: ବାର୍ଟି ମହିଳା ସିଙ୍ଗଲ୍‌ସ ଚମ୍ପିଆନ

ପ୍ୟାରିସ୍ : ଅଷ୍ଟ୍ରେଲିଆର ଆସ୍‌ଲେ ବାର୍ଟି ଚଳିତବର୍ଷର ଗ୍ରାଣ୍ଡସ୍ଲାମ୍ ଟେନିସ୍ ଟୁର୍ଣ୍ଣାମେଣ୍ଟ ଫ୍ରେଞ୍ଚ୍‌ ଓପନ୍‌ର ମହିଳା ସିଙ୍ଗଲ୍‌ସ ଚମ୍ପିଆନ୍ ହୋଇଛନ୍ତି। ଶନିବାର ଖେଳା ଯାଇଥିବା ଫାଇନାଲ ମ୍ୟାଚ୍‌ରେ ୮ମ ସିଡ୍ ଆସ୍‌ଲେ ବାର୍ଟି ସହଜରେ ୬-୧, ୬-୩ ସେଟ୍‌ରେ ଅଣସିଡେଡ୍ ଚେକ୍ ରିପବ୍ଲିକ୍‌ର ମାର୍କେଟା ଭ‌େ‌ନ୍ଦ୍ରୗସୋଭାଙ୍କୁ ପରାସ୍ତ କରିଛନ୍ତି। ଏହି ଫାଇନାଲ ଏପରି ଏକତରଫା ହୋଇଥିଲା ଯେ ବାର୍ଟି ମାତ୍ର ୭୦ ମିନିଟରେ ଏହାକୁ ଜିତି ନେଇଥିଲେ। ଏହି ବିଜୟ ପରେ ଆସ୍‌ଲେ ବାର୍ଟି ଡବ୍ଲ୍ୟୁଟିଏ ମାନ୍ୟତାର ୨ନଂ ସ୍ଥାନକୁ ଉନ୍ନୀତ ହେବେ।
ଏହି ବିଜୟ ଫଳରେ ଆସ୍‌ଲେ ବାର୍ଟି ୧୯୭୩ରେ ମାର୍ଗାରେଟ୍ କୋର୍ଟଙ୍କ ପରେ ପ୍ରଥମ ଅଷ୍ଟ୍ରେଲିଆ ମହିଳା ଭାବେ ଫ୍ରେଞ୍ଚ୍ ଓପନ୍ ଜିତି ପାରିଛନ୍ତି। ପୁଣି ୨୦୧୧​‌େ​‌ର ସାମନ୍ତା ଷ୍ଟୋସୁରଙ୍କ ୟୁଏସ୍‌ ଓପନ୍ ବିଜୟ ପରେ ୨୩ ବର୍ଷ ବୟସ୍କା ଆସ୍‌ଲେ ବାର୍ଟି ଅଷ୍ଟ୍ରେଲୀୟ ଖେଳାଳି ଭାବେ ଏକ ଗ୍ରାଣ୍ଡସ୍ଲାମ୍ ଜିତି ପାରିଛନ୍ତି।

Comments
Loading...