କାମ୍ବୋଡିଆର ରାଜଧାନୀ ନାମ-ପେନ୍ରେ ଥିବା ଏକ ଚା’ କେଫେକୁ ନେଇ ପୂରା ବିଶ୍ବ ଗଣମାଧ୍ୟମ ଓ ସୋସିଆଲ ସାଇଟ୍ରେ ଜୋର୍ ଚର୍ଚ୍ଚା ଚାଲିଛି। କାରଣ ଏହା ବୋଧହୁଏ ବିଶ୍ବର ପ୍ରଥମ କେଫେ, ଯେଉଁଠାରେ ସରୀସୃପଙ୍କ ସହ ଗ୍ରାହକଙ୍କୁ ଚା-କଫି ପରଷାଯାଉଛି। କେଫେର ମାଲିକ ଚି ରେଟି କହିଛନ୍ତି, ଲୋକମାନେ ଏବେ ଗ୍ୟାଜେଟ୍ ପଛରେ ଧାଉଁଛନ୍ତି। ଆମେ ପ୍ରାକୃତିକ ପରିବେଶ ପ୍ରତି ଅନେକ ଅବହେଳା କରୁଥିବାରୁ ତାଙ୍କ କେଫେରେ ଏଭଳି ପଦକ୍ଷେପ ନିଆଯାଇଛି। ଏଣୁ ଲୋକଙ୍କୁ ଏ ସମ୍ପର୍କରେ ଅବଗତ କରାଇବା ପାଇଁ ସେ ଏହି ‘ରେପ୍ଟାଇଲ୍ ଥିମ୍’ ଯୁକ୍ତ କେଫେରୁ ଶୁଭାରମ୍ଭ ୨୦୧୮ରେ କରିଥିଲେ। କେଫେର ମୁଖ୍ୟ ଦ୍ବାର ନିକଟରେ ଏକ ବୃହତ୍ କାଚ ବାକ୍ସ ରହିଛି, ସେଥିରେ ବିଭିନ୍ନ ପ୍ରଜାତିର ସରୀସୃପ ରଖାଯାଇଛି।
ସାପ, ବିଛା, କଙ୍କଡ଼ା, ଛୋଟ କୁମ୍ଭୀର ଇତ୍ୟାଦି। ସାପମାନଙ୍କ ବିଷ ଦାନ୍ତ ଭଙ୍ଗାଯାଇଥିବାବେଳେ ଅନ୍ୟ ପ୍ରାଣୀଙ୍କ ନିମନ୍ତେ ମଧ୍ୟ ସେଭଳି ବନ୍ଦୋବସ୍ତ କରାଯାଇଥିବାର ପ୍ରକାଶ। ଗ୍ରାହକ ଚା ଓ କଫି ପିଉଥିବାବେଳେ ଏମାନଙ୍କ ସହ ଫଟୋ ଉଠାଇ ପାରିବେ।
Comments are closed.