ମୁମ୍ବଇ: ଅଜୟ ଦେବଗନଙ୍କ ଅଭିନୀତ ଚଳଚ୍ଚିତ୍ର ‘ତାନାଜୀ: ଦି ଅନ୍ସଙ୍ଗ୍ ୱାରିୟର୍’ ଚଳିତ ବର୍ଷର ପ୍ରଥମ ବ୍ଲକ୍ବଷ୍ଟର ସିନେମା ପାଲଟିବାକୁ ଆଉ ମାତ୍ର କିଛି ପାଦ ଦୂରରେ ଅଛି। ପ୍ରଥମ ଦିନରେ ବକ୍ସ ଅଫିସରେ ୧୫.୧୦ କୋଟି ଟଙ୍କା ଆୟ କରିବା ପରେ ଦ୍ୱିତୀୟ ଦିନରେ ଏହାର ଆୟରେ ଆହୁରି ବୃଦ୍ଧି ପରିଲକ୍ଷିତ ହୋଇଛି। ଟ୍ରେଡ଼୍ ଆନାଲିଷ୍ଟ ତରଣ ଆଦର୍ଶ ଚଳଚ୍ଚିତ୍ରର ଆୟ ସମ୍ବନ୍ଧୀୟ ସୂଚନା ପ୍ରଦାନ କରିଛନ୍ତି।
ତରଣଙ୍କ କହିବାନୁସାରେ, ମୁକ୍ତିଲାଭର ଦ୍ୱିତୀୟ ଦିନ ଅର୍ଥାତ୍ ଶନିବାର ଚଳଚ୍ଚିତ୍ର ୨୦.୫୭ କୋଟି ଟଙ୍କା ଆୟ କରିଛି। ତେବେ ଦୁଇ ଦିନରେ ଚଳଚ୍ଚିତ୍ର ମୋଟ୍ ୩୫.୬୭ କୋଟି ଟଙ୍କାର ବ୍ୟବସାୟ କରିଛି। ଚଳଚ୍ଚିତ୍ର ଯଦି ଆଗକୁ ଏହିପରି ଆୟ ଜାରି ରଖେ ତେବେ ଖୁବଶୀଘ୍ର ଏହା ଚଳିତ ବର୍ଷର ପ୍ରଥମ ବ୍ଲକ୍ବଷ୍ଟର ସିନେମା ପାଲଟିବ।
ସୂଚନାଯୋଗ୍ୟ, ‘ତାନାଜୀ’କୁ ୪୫୪୦ ପରଦାରେ ମୁକ୍ତିଲାଭ କରାଯାଇଛି। ଏହା ଅଜୟଙ୍କର ୧୦୦ତମ ଚଳଚ୍ଚିତ୍ର। ଏଥିରେ ତାଙ୍କ ବ୍ୟତୀତ କାଜଲ, ସୈଫ୍ ଅଲ୍ଲୀ ଖାନ୍ ଓ ଶରଦ କେଲକର ଗୁରୁତ୍ୱପୂର୍ଣ୍ଣ ଭୂମିକାରେ ଅଭିନୟ କରିଛନ୍ତି।
Comments are closed.