ମାନବ ବିବର୍ତ୍ତନ ସଂପର୍କିତ ଗବେଷଣା ପାଇଁ ସ୍ୱିଡେନ୍ର ସ୍ୱାନ୍ତେ ପାବୋଙ୍କୁ ନୋବେଲ୍ ପୁରସ୍କାର
ଡେସ୍କ: ମେଡିସିନ କ୍ଷେତ୍ରରେ ନୋବେଲ୍ ପୁରସ୍କାର ଘୋଷଣା ହୋଇଛି। ମାନବ ବିବର୍ତ୍ତନ ସଂପର୍କିତ ଗବେଷଣା ପାଇଁ ସ୍ୱିଡେନ୍ର ସ୍ୱାନ୍ତେ ପାବୋଙ୍କୁ ନୋବେଲ୍ ପୁରସ୍କାର ପାଇଁ ଚୟନ କରାଯାଇଛି। ଆଜି ନୋବେଲ କମିଟି ପକ୍ଷରୁ ଏହି ଘୋଷଣା କରାଯାଇଛି। ସ୍ୱାନ୍ତେ ପାବୋଙ୍କ ଗବେଷଣା ଅନୁଯାୟୀ, ବର୍ତ୍ତମାନ ବିଲୁପ୍ତ ହୋମିନିନରୁ ହୋମୋ ସାପିଏନ୍ସକୁ ଜିନ୍ ସ୍ଥାନାନ୍ତର ହୋଇଛି। ଆଜିର ମଣିଷମାନଙ୍କ ପାଇଁ ଏହାର ଶାରୀରିକ ସମ୍ବନ୍ଧୀୟ ପ୍ରାସଙ୍ଗିକତା ରହିଛି ଯେପରିକି ଏହା ଆମର ପ୍ରତିରକ୍ଷା ପ୍ରଣାଳୀ ସଂକ୍ରମଣ ଉପରେ କିପରି ପ୍ରତିକ୍ରିୟା ଓ ପ୍ରଭାବିତ କରେ।
ପାବୋ ଏହା ମଧ୍ୟ ଜାଣିବାକୁ ପାଇଛନ୍ତି ଯେ ପ୍ରାୟ ୭୦ ହଜାର ବର୍ଷ ପୂର୍ବେ ଆଫ୍ରିକାରୁ ସ୍ଥାନାନ୍ତରଣ ପରେ ବର୍ତ୍ତମାନ ବିଲୁପ୍ତ ହୋଇଥିବା ହୋମିନିନରୁ ହୋମୋ ସାପିଏନ୍ସକୁ ଜିନ୍ ସ୍ଥାନାନ୍ତର ଘଟିଛି। ପାବୋ ଜଣେ ସ୍ୱିଡେନ୍ର ଜେନେଟିକ୍ ବିଶେଷଜ୍ଞ ଯିଏକି ବିବର୍ତ୍ତନଶୀଳ ଜେନେଟିକ୍ସ କ୍ଷେତ୍ରରେ ବିଶେଷଜ୍ଞ ଅଟନ୍ତି ଓ ସେ ୧୯୯୦ ମସିହାରେ ମ୍ୟୁନିକ ବିଶ୍ୱବିଦ୍ୟାଳୟରେ ପ୍ରଫେସର ଭାବରେ ଡିଏନଏ ଉପରେ ଗବେଷଣା ଆରମ୍ଭ କରିଥିଲେ।
Comments are closed.