ବୌଦ୍ଧ: ଉପାନ୍ତ ଅଞ୍ଚଳରେ ମ୍ୟାଲେରିଆ ମୁକ୍ତ ପାଇଁ ବାଉଁଶୁଣି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଓ ଜିଲ୍ଲାର ଅଗ୍ରଣୀ ସ୍ୱେଚ୍ଛାସେବୀ ଅନୁଷ୍ଠାନ ଚନ୍ଦ୍ରମା ପକ୍ଷରୁ ଆରମ୍ଭ କରାଯାଇଛି ସଚେତନତା ଅଭିଯାନ। ବୌଦ୍ଧ ଜିଲ୍ଲାର ଉପାନ୍ତ ଅଞ୍ଚଳରେ ଥିବା ଅପହଞ୍ଚ ଇଲାକା ଶଗଡା ପଂଚାୟତ ଅନ୍ତର୍ଗତ ଚାଂଚେର ଗ୍ରାମରେ ମଙ୍ଗଳବାର ବିଶ୍ଵ ମେଲେରିଆ ଦିବସ ଅବସରରେ ଲୋକଙ୍କୁ ସଚେତନତା କରାଯାଇଛି ।ଗ୍ରାମରେ ସଚେତନତା ଅଭିଯାନ ଆରମ୍ଭ କରିବା ସହିତ ଦାସକାଠିଆ ପାଲା ମାଧ୍ୟମରେ ଲୋକେ କେମିତି ମସାରି ବ୍ୟବହାର କରିବେ ସେନେଇ ସଚେତନ କରାଯାଇଛି। ଚନ୍ଦ୍ରମା ଅନୁଷ୍ଠାନ ର ସମ୍ପାଦକ ରମେଶ କୁମାର ଜେନାଙ୍କ ଅଧ୍ୟକ୍ଷତାରେ ମୁଖ୍ୟଅତିଥି ଭାବେ ବାଉଁଶୁଣି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ବ୍ଲକ ଜନସ୍ୱାସ୍ଥ୍ୟ ଅଧିକାରୀ ରାଜୀବ ରଞ୍ଜନ ନାୟକ, ସ୍ଥାନୀୟ ସରପଞ୍ଚ ସନ୍ଧ୍ୟାରାଣୀ ମହାକୁଳ ଓ ବିପିଏମ୍ ସୁଧାଂଶୁ ଶେଖର ପ୍ରଧାନ ପ୍ରମୁଖ ଉପସ୍ଥିତ ରହି ବକ୍ତବ୍ୟ ରଖିଥିଲେ। ବାଉଁଶୁଣି ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ମ୍ୟାଲେରିଆ ସୁପରଭାଇଜର ମନୋଜ କୁମାର ସାହୁ ଲୋକଙ୍କୁ ପୁଙ୍ଖାନୁପୁଙ୍ଖ ଭାବରେ ମ୍ୟାଲେରିଆ ରୋଗର କାରଣ, ଲକ୍ଷଣ ଓ ନିରାକରଣ ବାବଦରେ ଅବଗତ କରେଇଥିଲେ ଶେଷରେ ଚନ୍ଦ୍ରମା ଅନୁଷ୍ଠାନର ସଭାପତି ରାମଚନ୍ଦ୍ର ମେହେର ସମସ୍ତ କର୍ମକର୍ତା ଓ ଗ୍ରାମବାସିଙ୍କୁ ଧନ୍ୟବାଦ ଦେଇଥିଲେ।
Comments are closed.