ଧରାକୋଟ ଓ ଶେରଗଡ଼ ଆଦର୍ଶ ବିଦ୍ୟାଳୟରେ ସୁରତ ଫେରନ୍ତା ‘ସଙ୍ଗରୋଧ’
ଭୁବନେଶ୍ବର (ବ୍ୟୁରୋ): ପ୍ରବାସୀ ଓଡିଆଙ୍କୁ ନେଇ ଆସିଥିବା ୪ଟି ବସ୍ ଗତକାଲି ରାତିରେ ଗଞ୍ଜାମ ପହଞ୍ଚିବା ପରେ ସମସ୍ତଙ୍କୁ ସଙ୍ଗରୋଧରେ ପଠାଇ ଦିଆଯାଇଛି । ପ୍ରଥମେ ବସଗୁଡ଼ିକୁ ଡ଼ାକ୍ତରୀ ଯାଞ୍ଚସ୍ଥଳକୁ ଅଣାଯାଇ ସୁରତ ଫେରନ୍ତାଙ୍କ ସ୍କ୍ରିନିଂ କରାଯାଇଥିଲା ଏବଂ ଏହାପରେ ସେମାନଙ୍କୁ ଆଦର୍ଶ ବିଦ୍ୟାଳୟ ପରିସରରେ ଥିବା ସଙ୍ଗରୋଧ ଗୃହକୁ ନିଆଯାଇଥିଲା। ଏଠାରେ ସେମାନେ ୧୪ ଦିନ ସଙ୍ଗରୋଧ ହୋଇ ରହିବେ ।
All four buses reached at Quarantine centre. 217 people returned from Surat. Primary health screening done. We request all people of ganjam not to visit these quarantine centres. Strict action will be initiated if any violations @CMO_Odisha @HFWOdisha @PRDeptOdisha pic.twitter.com/TXIr4gMGzg
— Collector & District Magistrate, Ganjam (@Ganjam_Admin) April 29, 2020
ସଙ୍ଗରୋଧ କେନ୍ଦ୍ରଗୁଡ଼ିକରେ ଶ୍ରମିକଙ୍କ ନିମନ୍ତେ କଡ଼ା ସୁରକ୍ଷା କରାଯାଇଛି । କେବଳ ସ୍ବାସ୍ଥ୍ୟ କର୍ମୀଙ୍କ ଭିନ୍ନ ଅନ୍ୟମାନେ ସେମାନଙ୍କୁ ଭେଟିବା ଓ ସେମାନେ ଅନ୍ୟ କାହାରି ସହ ମିଶିବା ଉପରେ କଟକଣା କରାଯାଇଛି । ଶ୍ରମିକମାନଙ୍କୁ ଏଠାରେ ଆନୁଷଙ୍ଗିକ ସୁବିଧା ଯୋଗାଇ ଦିଆଯାଇଛି । ସକାଳେ, ମଧ୍ୟାହ୍ନ ଓ ରାତିରେ ଖାଦ୍ୟ ସହ ସନ୍ଧ୍ୟାରେ ଚା ଦେବାର ବ୍ୟବସ୍ଥା ହୋଇଛି । ପ୍ରତ୍ୟେକ ଶ୍ରମିକଙ୍କ ପାଇଁ ସରକାର ଦୈନିକ ଖାଦ୍ୟ ବାବଦରେ ୧୨୦ ଟଙ୍କା ମଞ୍ଜୁର କରିଛନ୍ତି । ଏହାବ୍ୟତୀତ ବିଶୋଧନ ସାମଗ୍ରୀ ଓ ଅନ୍ୟାନ୍ୟ ସୁବିଧା ଯୋଗାଇ ଦିଆଯାଉଛି । ଶେରଗଡ ଆଦର୍ଶ ବିଦ୍ୟାଳୟରେ ୨୫ଟି କୋଠରୀରେ ୧୧୪ ଜଣଙ୍କ ରହିବା ପାଇଁ ବ୍ୟବସ୍ଥା ହୋଇଛି । ୬ ଜଣ ମହିଳାଙ୍କ ପାଇଁ ଅଲଗା କୋଠରୀ ବ୍ୟବସ୍ଥା କରାଯାଇଛି । ଧରାକୋଟ ବ୍ଲକ ଆଦର୍ଶ ବିଦ୍ୟାଳୟରେ ୧୦୦ ଶଯ୍ୟା ବିଶିଷ୍ଟ ଛାତ୍ର ନିବାସରେ ସୁରତଫେରନ୍ତା ଅବଶିଷ୍ଟ ପ୍ରବାସୀଙ୍କୁ ରଖାଯାଇଛି।
Comments are closed.