ନୂଆଦିଲ୍ଲୀ: ଭିଭିଆଇପି ହେଲିକପ୍ଟର କ୍ରୟ ଦୁର୍ନୀତି ମାମଲାରେ ଅଭିଯୁକ୍ତ ଗୌତମ ଖୈତାନ୍ଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବା ପାଇଁ ଆୟକର ବିଭାଗକୁ ବାରଣ କରି ଦିଲ୍ଲୀ ହାଇକୋର୍ଟ ଦେଇଥିବା ରାୟକୁ ସୁପ୍ରିମକୋର୍ଟ ଖାରଜ କରିଛନ୍ତି। ଜଷ୍ଟିସ୍ ଅରୁଣ ମିଶ୍ରଙ୍କ ଅଧ୍ୟକ୍ଷତାରେ ତିନି ଜଣ ବିଚାରପତିଙ୍କୁ ନେଇ ଗଠିତ ଖଣ୍ଡପୀଠ କହିଛନ୍ତି, ମାମଲା ଉପରେ ସାନି ନିଷ୍ପତ୍ତି ନେବା ପାଇଁ ୨୦୧୬ ମସିହା କଳାଧନ ଆଇନ୍କୁ ପିଛିଲା ଭାବେ ୨୦୧୫ ଜୁଲାଇ ମାସରୁ କାର୍ଯ୍ୟକାରି କରିବାକୁ ଅନୁମତି ଦିଆଯିବ ନାହିଁ। ସୁପ୍ରିମକୋର୍ଟଙ୍କ ଆଗରେ ଜବାବ ସୁଆଲ ସମୟରେ କେନ୍ଦ୍ର ସରକାରଙ୍କ ପକ୍ଷରୁ କଳାଧନ ଅଧୀନରେ ଥିବା ବ୍ୟବସ୍ଥା ଏବଂ ୨୦୧୫ ଆୟକର ଆଇନ୍ ବିଷୟ ଉଲ୍ଲେଖ କରାଯାଇଥିଲା।
ଅଘୋଷିତ ବିଦେଶୀ ଆୟ ଓ ସମ୍ପତ୍ତି ନିୟମ ଅଧୀନରେ ଖୈତାନଙ୍କ ବିରୁଦ୍ଧରେ ଅଭିଯୋଗ ବର୍ତ୍ତମାନ ରହିଛି ବୋଲି କେନ୍ଦ୍ର ସରକାରଙ୍କ ପକ୍ଷରୁ ଜବାବ ଉପସ୍ଥାପନ କରାଯାଇଥିଲା। ସୂଚନା ଯୋଗ୍ୟ ୩ହଜାର ୬୦୦ କୋଟି ଅଗସ୍ତା ୱେଷ୍ଟଲ୍ୟାଣ୍ଡ ଭିଭିଆଇପି ହେଲିକପ୍ଟର କିଣା ଦୁର୍ନୀତି ମାମଲାରେଖୈତାନ୍ ଜଣେ ଅଭିଯୁକ୍ତ ଅଛନ୍ତି। ଖୈତାନଙ୍କ ପକ୍ଷରୁ ଦିଲ୍ଲୀ ହାଇକୋର୍ଟରେ କଳାଧନ ଆଇନ୍ ଅଧୀନରେ ବିଭିନ୍ନ ଧାରା ଓ ୨୦୧୫ ଆୟକର ଆଇନ୍ ଲାଗୁର ବୈଧତାକୁ ଚ୍ୟାଲେଞ୍ଜ କରାଯାଇଥିଲା।
Comments are closed.