କଟକ: ହାଇକୋର୍ଟ ମଧ୍ୟସ୍ଥତା କେନ୍ଦ୍ରରେ ବ୍ରହ୍ମପୁରର ଡାକ୍ତର ସୁମିତ ସାହୁ ଓ ତାଙ୍କ ପତ୍ନୀ ତପସ୍ୱିନୀ ପ୍ରଥମ ପର୍ଯ୍ୟାୟ ମଧ୍ୟସ୍ଥତାରେ ଅଂଶ ଗ୍ରହଣ କରିଛନ୍ତି। ଉଭୟ ଦିନ ୧୧ ସମୟରେ ମଧ୍ୟସ୍ଥତା କେନ୍ଦ୍ରରେ ପହଞ୍ଚିଥିଲେ। ତେବେ ମଧ୍ୟସ୍ଥ ଆଇନଜୀବୀ ଖଗେଶ୍ବର ରାଜ ଉଭୟଙ୍କ ମଧ୍ୟରେ ଆଲୋଚନା କରି ପୁନର୍ମିଳନ ପାଇଁ ଚେଷ୍ଟା କରିଥିଲେ। ପ୍ରାୟ ୪ଘଣ୍ଟା ବ୍ୟାପୀ ଅପୋଷ ବୁଝାମଣା ହୋଇଥିବାବେଳେ ତାହା ସକରାତ୍ମକ ହୋଇଥିବା ଜଣାଯାଇଛି। ତେବେ ସମୟ ଅଭାବରୁ ଏହି ମଧ୍ୟସ୍ଥତା ଅଧାରହିଛି। ପୁଣି ମଧ୍ୟସ୍ଥତା ପାଇଁ ଆସନ୍ତା ୧୧ ତାରିଖ ଅପରାହ୍ନକୁ ସମୟ ଧାର୍ଯ୍ୟ ହୋଇଥିବାବେଳେ ଉଭୟେ ପୂର୍ଣ୍ଣ ସହଯୋଗ କରିଥିବା ମଧ୍ୟସ୍ଥ ଶ୍ରୀ ରାଜ ପ୍ରକାଶ କରିଛନ୍ତି। ସୂଚନାଯୋଗ୍ୟ ବ୍ରହ୍ମପୁର ସୁମିତ-ତପସ୍ୱିନୀ ପାରିବାରିକ ବିବାଦ ମାମଲାର ଅଦାଲତ ଶୁଣାଣି କରି ମଧ୍ୟସ୍ଥତା କେନ୍ଦ୍ରରେ ଉଭୟ ପତି-ପତ୍ନୀ ଏପ୍ରିଲ ୯ ତାରିଖରେ ହାଜର ହେବାକୁ ନିର୍ଦେଶ ଦେଇଥିଲେ।
ମାମଲାର ପରବର୍ତ୍ତୀ ଶୁଣାଣି ପୂର୍ବରୁ ମଧ୍ୟସ୍ଥତାକେନ୍ଦ୍ର ରିପୋର୍ଟ ହାଇକୋର୍ଟରେ ଦାଖଲ ହେବ। ତପସ୍ବିନୀଙ୍କୁ ରହିବା ଲାଗି ସୁମିତ ସାହୁ ନେଇଥିବା ଭଡ଼ା ଘରର ଦୁଇ ମିନିଟର ଭିଡଇଓ କ୍ଲିପ୍ ଦାଖଲ ପାଇଁ ହାଇକୋର୍ଟ କହିଥିଲେ। ଭଡା ଘରର ଭିଡିଓ କରି ହାଇକୋର୍ଟରେ ଦାଖଲ କରିବାକୁ ଉଭୟ ତପସ୍ୱିନୀ ଓ ସୁମିତଙ୍କୁ ନିର୍ଦେଶ ଦିଆଯାଇଥିଲା। ଏଥି ସହିତ ସୁମିତ ସରକାରୀ କ୍ବାର୍ଟର ନେଇଛନ୍ତି କି ନାହିଁ ସେ ନେଇ ସତ୍ୟପାଠ ମାଧ୍ୟମରେ ସ୍ପଷ୍ଟ କରିବାକୁ ହାଇକୋର୍ଟ ନିର୍ଦେଶ ଦେଇଥିଲେ। ଏପ୍ରିଲ ୧୩ ତାରିଖରେ ମାମଲାର ପରବର୍ତ୍ତୀ ଶୁଣାଣି ପାଇଁ ଧାର୍ଯ୍ୟ ହୋଇଛି।
Comments are closed.