ପ୍ରେମ ବ୍ୟାପାରକୁ ନେଇ ନାବାଳିକାଙ୍କ ଆତ୍ମହତ୍ୟା ଅଭିଯୋଗ

ପାଟଣା : କେନ୍ଦୁଝର ଜିଲ୍ଲା ପାଟଣା ବ୍ଲକ ଅନ୍ତର୍ଗତ କଂଟିଆପଡା ମୁଣ୍ଡାସାହିର କୁଶ ମୁଣ୍ଡାଙ୍କ ନବମ ଶ୍ରେଣୀରେ ପଢୁଥିବା ନାବାଳିକା ଝିଅ ସରସ୍ୱତୀ ମୁଣ୍ଡା (୧୫) ଆଜି ମଧ୍ୟାହ୍ନରେ ନିଜ ଘରେ ଓଢଣୀରେ ଫାଶି ଲଗାଇ ଆତ୍ମହତ୍ୟା କରିଛି । ମୃତ୍ୟୁ ବେଳକୁ ସେ ଗର୍ଭବତୀ ଥିବା ଜଣାପଡିଥିବା ବେଳେ ମୃତଦେହ ନିକଟରୁ ପୁଲିସ ଏକ ପ୍ରେମ ଚିଠି ସହ ମୋବାଇଲ୍ ଜବଦ କରିଛି ।

ଆତ୍ମହତ୍ୟା ସମ୍ପର୍କରେ ଖବର ପାଇ ତୁରୁମୁଙ୍ଗା ଥାନାଧିକାରୀ ବରେନ୍ଦ୍ର ଶିଅଳ ଆଜି ଅପରାହ୍ନରେ ଘଟଣା ସ୍ଥଳକୁ ଯାଇ ସରସ୍ୱତୀ ମୁଣ୍ଡାଙ୍କ ମୃତଦେହକୁ ଉଦ୍ଧାର କରିବା ସହ ଫାଶି ଘଟଣାର ତଦନ୍ତ କରିଛନ୍ତି ।

ସୂଚନା ଯୋଗ୍ୟ ଯେ,ମୃତା ସରସ୍ୱତୀଙ୍କ ବାପା କୁଶ ମୁଣ୍ଡା ପୂର୍ବରୁ ମୃତ୍ୟୁ ବରଣ କରିଥିବାବେଳେ ସରସ୍ୱତୀଙ୍କ ମାଆ ମଧ୍ୟ ଅନ୍ୟ ଜଣେ ବିବାହିତା ପୁରୁଷଙ୍କ ସହ ଫେରାର ହୋଇଯାଇଥିବାରୁ ସରସ୍ୱତୀ ଓ ତାଙ୍କ ତିନି ସାନ ଭାଇ ନିଜ ୮୦ ବର୍ଷୀୟା ଜେଜେମା ଘରେ ରହି ପାଠ ପଢୁଥିଲେ।

Comments
Loading...