ଉପଜିଲ୍ଲାପାଳଙ୍କ ବେଳାଭୁମି ତଦାରଖ

ଗୋପାଳପୁର :  ବ୍ରହ୍ମପୁର ଉପଜିଲ୍ଲାପାଳ ତଥା ପ୍ରଶାସକ ଅଧିକାରୀ ଭି.କୀର୍ତ୍ତି ଭାଷନ ଶନିବାର ଅପରାହ୍ନରେ ବେଳା ଭୂମିରେ ପହଞ୍ଚି ବେଳାଭୁମିରେ କାର୍ଯ୍ୟକାରୀ ହୋଇଥିବା ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ତଦାରଖ କରିଥିଲେ। ଉପଜିଲ୍ଲାପାଳ କହିଥିଲେ ଯେ ଚଳିତ ବର୍ଷ ଏପ୍ରିଲ୍ ମାସର ପ୍ରଥମ ସପ୍ତାହରେ ପରୀକ୍ଷା ମୂଳକ ଭାବେ ଶିଶୁ ଉଦ୍ୟାନ ସର୍ବସାଧାରଣ ପାଇଁ ଖୋଲାଯିବ। ସକାଳ ୯ ଟା ରୁ ରାତ୍ର ୯ ଟା ପର୍ଯ୍ୟନ୍ତ ଖୋଲା ରହିବ। ଇକୋ ରିଟ୍ରିଟ ଓ ବେଳାଭୁମିରେ ହୋଇଥିବା ଆଲୋକୀକରଣ ଶୀଘ୍ର କାର୍ଯ୍ୟକ୍ଷମ ହେବ ବୋଲି କହିଥିଲେ। ତାହା ସହ ବେଳା ଭୂମିକୁ ଆସୁଥିବା ପର୍ଯ୍ୟଟକ ଓ ସ୍ଥାନୀୟ ଲୋକ  କିପରି ମାସ୍କ ବ୍ୟବହାର କରିବା ଉପରେ ଗୁରୁତ୍ବ ଦିଆଯିବ ବୋଲି କହିଛନ୍ତି। ତଦାରଖ ବେଳେ ଏନ୍ଏସି କାର୍ଯ୍ୟ ନିର୍ବାହୀ ଅଧିକାରୀ ଉମା ଶଙ୍କର ସେଠୀଙ୍କ ସମେତ ଏନ୍ଏସି କର୍ମଚାରୀ ଉପସ୍ଥିତ ଥିଲେ।

Comments
Loading...