ସୁଆଣ୍ଡୋ : ଲୋକମାନଙ୍କର ଯାତାୟାତ ପାଇଁ ରାସ୍ତା ନିର୍ମାଣ କରାଯାଇଛି। ହେଲେ ସ୍ଥାନୀୟ ଗ୍ରାମବାସୀ ମାନଙ୍କ ଦ୍ବାରା ମନ ଇଛା ରାସ୍ତାରେ ହମ୍ପ ସ୍ ତିଆରି କରାଯାଇ ଥିବା ଯୋଗୁ ବାଇକ ସାଇକେଲ ଓ ଚାଳକ ମାନେ ଜାଣିନପାରି ଦୁର୍ଘଟଣାର ସମ୍ମୁଖୀନ ହେଉଥିବା ଦେଖିବାକୁ ମିଳୁଛି । କେତେକ ମଧ୍ୟ ବିକଳାଙ୍ଗ ହୋଇ ଘରେ ପଡି ରହିଛନ୍ତି । ପୁରୀ ଜିଲା ସତ୍ୟବାଦୀ ବ୍ଲକ ଅନ୍ତର୍ଗତ ୭ କି, ମି, ଦୈର୍ଘ୍ୟର ବ୍ୟସ୍ତ ବହୁଳ ବୋଲି ଜୟପୁର – ସାରଙ୍ଗଯୋଡି ରାସ୍ତାଟି ବେଶ୍ ଜଣାଶୁଣା। ଉକ୍ତ ରାସ୍ତା ରେ ବସ ଟ୍ରକ ଟ୍ରାକ୍ଟର ସହିତ ଶହ ଶହ ବାଇକ ସାଇକେଲ ଓ ପଥଚାରୀ ଯିବା ଆସିବା କରିଥାନ୍ତି । ରାସ୍ତା ଉପରେ କରାଯାଇଥିବା ୧୯ଟି ହମ୍ପ ସ୍ ନିକଟରେ କୌଣସି ଚିହ୍ନ ନଥିବା ହେତୁ ଗାଡିଚାଳକ ମାନେ ଜାଣି ନପାରି ଦୁର୍ଘଟଣାରେ ପଡୁଛନ୍ତି। ଆମ୍ବୁଲାନ୍ସ ଯାତାୟାତ ରେ ମଧ୍ୟ ଅସୁବିଧା ହେଉଛି । ବିଭାଗୀୟ ଅନୁମୋଦନ ବିନା ପଥୁରିଆ ସାହିରେ ୧ଟି ବଂପାଳ ଗାଁରେ ୪ଟି ଭାଲୁବଜାରରେ ୧ଟି ବାସୁଦେଇପୁରରେ ୨ ଟି ନାରଙ୍ଗ ପାଟଣା ପାଖରେ ୨ଟି ଜୟପୁର ଆଦି ଗ୍ରାମ ରାସ୍ତାରେ ହମ୍ପ ସ୍ ଗୁଡିକ ରହିଛି। ରାସ୍ତା ସାରା ଖାଲଖମା ଗୁଡିକ ପ୍ୟାଚ ପଡିଥିବା ଓ ରାସ୍ତା ର ଉଭୟ ପାର୍ଶ୍ୱ ରୁ ଲଟା ଜଙ୍ଗଲ ମାଡି ଆସିଲେଣି । ଜଙ୍ଗଲିଆ ରାସ୍ତା ଯୋଗୁ ସରୀସୃପ ଭୟ ମଧ୍ୟ ରହୁଛି। ବିଭାଗୀୟ ଅଧିକାରୀ ଙ୍କୁ ଏ ସମ୍ପର୍କ ରେ ଜନସାଧାରଣଙ୍କ ତରଫରୁ ବାରମ୍ବାର ଅଭିଯୋଗ କରାଯାଉଥିଲେ ମଧ୍ୟ ସେମାନେ ସେମାନେ ଚୁପ ରହୁଛନ୍ତି ବୋଲି ଅଭିଯୋଗ ହୋଇଛି। ଏ ସମ୍ପର୍କ ରେ ସମାଜସେବୀ ରତିକାନ୍ତ ମିଶ୍ର ସୁଜିତ କୁମାର ସାହୁ ପୂର୍ଣ୍ଣ ଚନ୍ଦ୍ର ବେହେରା ଦିବାକର ମହାପାତ୍ର ଜ୍ଞାନେନ୍ଦ୍ର ନାଥ ଦାଶ କହନ୍ତି ଜନସାଧାରଣଙ୍କ ସୁବିଧା ପାଇଁ ରାସ୍ତା ରୁ ହମ୍ପ ସ୍ ଉଠାଇବା ସହିତ ଲଟା ଜଙ୍ଗଲ ଆଦି ପରିସ୍କାର କରାଯିବା ଦରକାର ।
Comments are closed.