ସୁଆଣ୍ଡୋ : ଶତାଧିକ ବର୍ଷ ଧରି ପୁରୀ ଜିଲାର ପ୍ରସିଦ୍ଧ ବୈଷ୍ଣବ କ୍ଷେତ୍ର ସତ୍ୟବାଦୀ ସାକ୍ଷୀ ଗୋପୀନାଥଙ୍କ ମନ୍ଦିରରେ ମା ରାଧା ଠାକୁରାଣୀଙ୍କ ଅଁଳା ନବମୀ ଦିନ ରାଧାପାଦ ଦର୍ଶନ ବିନାଭକ୍ତରେ ଶୁକ୍ରବାର ଅନୁଷ୍ଠିତ ହୋଇଯାଇଛି। ମନ୍ଦିରରେ କେବଳ ଦେବ ନୀତି ଅନୁଷ୍ଠିତ ହୋଇଛି । ଭକ୍ତମାନଙ୍କ ଗହଳି ଚହଳି ଦେଖିବାକୁ ମିଳୁନି । ମନ୍ଦିରକୁ ଫୁଲରେ ସଜ୍ଜିତ କରାଯାଇ ଥିବା ସହିତ ଆଲୋକ ସଜ୍ଜା କରାଯାଇଛି। ମନ୍ଦିର ଆଗରେ ପ୍ରଶାସନ ପକ୍ଷରୁ ବାରିକେଟ କରାଯାଇଛି ।
ମନ୍ଦିର ଚତୁପାର୍ଶ୍ଵ ୨୦୦ ମିଟର ପରିସର ପର୍ୟ୍ୟନ୍ତ ୧୨ ଓ ୧୪ ତାରିଖ ଦୁଇଦିନ ପାଇଁ୧୪୪ ଧାରା ଜିଲା ପ୍ରଶାସନ ତରଫରୁ ଜାରି କରାଯାଇଛି । ଉପଜିଲ୍ଲାପାଳ ଭବତାରଣ ସାହୁ ସିଡିପିଓ ଦିଲ୍ଲିପ ନାୟକ ତହସିଲଦାର ଆଇଆଇସି ମନ୍ଦିର ନିକଟରେ ଉପସ୍ଥିତ ରହିଛନ୍ତି । ମହାମାରୀ କରୋନା କୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ କଟକଣା ଜାରି କରାଯାଇଛି ବୋଲି କୁହାଯାଇଛି ।
Comments are closed.