ସ୍ୱଛ ଭାରତ ମିଶନ ବାଟବଣା 

ସୁଆଣ୍ଡୋ : ସ୍ୱଛତା ହିଁ ସେବା। ଭାରତ ସରକାରଙ୍କ ଦ୍ବାରା  କାର୍ଯ୍ୟକାରୀ କରାଯାଇ ଥିବା ସ୍ୱଛ ଭାରତ ମିଶନ ଏବେ ବାଟବଣା ହୋଇଥିବା ଦେଖାଯାଇଛି । ୫ ବର୍ଷ ତଳେ ସରକାରଙ୍କ ପକ୍ଷରୁ ଗାଁ ଠାରୁ ଆରମ୍ଭ କରି ସହର ପର୍ଯ୍ୟନ୍ତ ସେହିପରି ରାସ୍ତାଘାଟ ଅଫିସ ରେଲଷ୍ଟେସନ ଠାରୁ ଆରମ୍ଭ କରି ଘର ବାହାର ସଫାସୁତୁରା ରଖିବା ପାଇଁ ଜନ ସହଯୋଗ ନେଇ ଗୋଟିଏ ମହଦାକାଂକ୍ଷୀ ଯୋଜନାର ଶୁଭାରାମ୍ଭ କରାଯାଇ ଥିଲା। ଯାହାକୁ ନେଇ ଜନସାଧାରଣଙ୍କ ମଧ୍ୟରେ ବିପୁଳ ଉତ୍ସାହ ପରିଲକ୍ଷିତ ହୋଇଥିଲା।
ନେତୃବର୍ଗ ରାଜନେତା ଅଫିସର ସ୍ୱେଚ୍ଛାସେବୀ ସଙ୍ଗଠନ ପ୍ରମୁଖ ମଧ୍ୟ  ଏଥିରେ ସାମିଲ ହୋଇ ଯାଇଥିଲେ ।ଯାହାଙ୍କର ଶୌଚାଳୟ ନଥିଲା ସେମାନଙ୍କୁ ନିଜର ଶୌଚାଳୟ ନିର୍ମାଣ କରିବାକୁ ସରକାରଙ୍କ ପକ୍ଷରୁ ୧୨ ହଜାର ଲେଖାଏଁ ଟଙ୍କା ଯୋଗାଇ ଦିଆଯାଇ ଥିଲା । ହେଲେ ସ୍ୱଛ ଭାରତ ମିଶନ ନାରା ଗୋଟିଏ ସ୍ଥାନରେ ଓ ଲୋକମାନେ ଆଉଗୋଟିଏ ବାଟରେ । ଏବେ ନଦୀବନ୍ଧ କେନାଲ ବନ୍ଧ ପୋଖରୀହୁଡା ବାଡି ବଗିଚା ଗାଁ ଦାଣ୍ଡ ପାର୍ଶ୍ୱ ରାସ୍ତା କଡ ମୁକ୍ତାକାଶ ଶୌଚାଳୟ ପାଲଟିଛି। ରାସ୍ତା ଉପରେ କୁଢ଼ କୁଢ ଅଳିଆ ଆବର୍ଜନା ଗଦା ହୋଇ ରହୁଥିବା ଦେଖାଯାଉଛି । ପ୍ଲାଷ୍ଟିକ ବୋତଲ ଠାରୁ ଆରମ୍ଭ କରି ଯାବତୀୟ ବର୍ଜ୍ୟବସ୍ତୁ ରାସ୍ତା ସାରା ପଡିରହୁଥିବା ଦେଖା ଯାଉଛି। ଏ ସବୁ ସମସ୍ତେ ଦେଖି ନଦେଖିଲା ପରି ବାଟ ଭାଙ୍ଗି ଚାଲି ଯାଉଥିବା ଦେଖିବାକୁ ମିଳୁଛି। ଏହି ପରିପ୍ରେକ୍ଷୀରେ ବୁଦ୍ଧିଜୀବୀ ଚନ୍ଦ୍ରଶେଖର ଦାଶ ପ୍ରଫୁଲ ଚନ୍ଦ୍ର ମହାପାତ୍ର ଓ ଦେବେନ୍ଦ୍ର ନାଥ ଦାଶ ପ୍ରମୁଖ ଏ ଦିଗପ୍ରତି ନଜର ଦେବା ଉଚିତ୍ ହେବ ବୋଲି କହୁଛନ୍ତି ।

Comments
Loading...