ବିପଦ ସଙ୍କେତ ଉପରେ ଭାର୍ଗବୀ ; ବନ୍ୟାଜଳ ନିଷ୍କାସନରେ ଗବକୁଣ୍ଡ କଟ୍ ବରଦାନ ସାଜିଛି

ସୁଆଣ୍ଡୋ: ପୁରୀ ଜିଲାରେ ଭାର୍ଗବୀନଦୀର ଜଳସ୍ତର ବୃଦ୍ଧି ପାଇ ବିପଦସଙ୍କେତ ଉପରେ ପ୍ରବାହିତ ହେଉଛି । ଗବକୁଣ୍ଡ କଟରେ ଭାର୍ଗବୀନଦୀର ଦୁଇତୃତୀୟାଂଶ ବନ୍ୟାଜଳ ଖଲାସ ହେଉଥିବା ଦେଖିବାକୁ ମିଳୁଛି। ବଳଙ୍ଗା ଠାରେ ଜଳସ୍ତର ୧୧.୬୨ ଫୁଟ ରହିଛି । ପୁରୀ ଜିଲାପାଳ ବଲୱନ୍ତ ସିଂହଙ୍କ ନିର୍ଦ୍ଦେଶରେ ପ୍ରଶାସନ ନଦୀବନ୍ଧ ଉପରେ ତୀକ୍ଷ୍ନ ନଜର ରଖିଛନ୍ତି। ଜଳସଂପଦ ବିଭାଗ ଅଧିକ୍ଷଣ ଯନ୍ତ୍ରୀ ମହେନ୍ଦ୍ର ଭୁୟାଁ ନିର୍ବାହୀଯନ୍ତ୍ରୀ ଶଶୀଭୁଷଣ ମିଶ୍ର ସ୍ଥିତି ଅନୁଧ୍ୟାନ କରିଛନ୍ତି । ବଳଙ୍ଗା ଉପଖଣ୍ଡ ଅଧିକାରୀ ରାକେଶ କୁମାର ମଲ୍ଲିକ ଓ ସାକ୍ଷୀଗୋପାଳ ଉପଖଣ୍ଡ ଅଧିକାରୀ ରଘୁନାଥ ସ୍ୱାଇଁ ଅହରହ ନଦୀବନ୍ଧରେ ପାଟ୍ରୋଲିଂ କରୁଥିବା ଦେଖିବାକୁ ମିଳୁଛି। ତୋଟାସାହି ରଥପୁରୁଷୋତମ ପୁର ସୁଆଣ୍ଡୋ ଗୁଆଳିଗୋରଡା ପାଖ ନଦୀବନ୍ଧରେ ଘଳିଆ ଗୁଡିକ ବାଲିବସ୍ତା ପକାଯାଇଛି । ସତ୍ୟବାଦୀ ତହସିଲଦାର ମନୋଜ କୁମାର ନାୟକ ବିଡିଓ ସରୋଜ କୁମାର ଦତ୍ତ ଦୁର୍ବଳ ସ୍ଥାନ ଗୁଡିକର ସ୍ଥିତି ନିରୀକ୍ଷଣ କରିଛନ୍ତି। ଗୋପବନ୍ଧୁଙ୍କ ପରିକଳ୍ପିତ ଗବକୁଣ୍ଡ କଟ୍ ଆଜି ଭାର୍ଗବୀର ବନ୍ୟାଜଳ ନିଷ୍କାସନରେ ବରଦାନ ସାଜିଛି ବୋଲି ସତ୍ୟବାଦୀ ବଳଙ୍ଗା ହରିପୁର ପୁରୀ ସଦର ଅଞ୍ଚଳର ଲୋକମାନେ କହୁଛନ୍ତି ।

Comments
Loading...