ସୁଆଣ୍ଡୋ : ଡେଲାଙ୍ଗ ଗାନ୍ଧୀ ସ୍ମୃତିପୀଠରୁ ଆରମ୍ଭ ହୋଇଥିବା କରୋନା ଓ ନିଶା ନିବାରଣ ସଚେତନତା ପଦଯାତ୍ରା ପୁଣ୍ୟାତ୍ମା ଗୋପବନ୍ଧୁଙ୍କ ସୁଆଣ୍ଡୋ ସ୍ଥିତ ବାସଭବନ ଷଠିଘରେ ରବିବାର ଉଦଯାପିତ ହୋଇଯାଇଛି । ଗାନ୍ଧୀ ଗୋପବନ୍ଧୁ ଜୟପ୍ରକାଶ ଅବଦୁଲ କାଲାମଙ୍କ ଜନ୍ମମାସ ଅକ୍ଟୋବର ଅଠର ତାରିଖରୁ ଡେଲାଙ୍ଗ ଗାନ୍ଧୀ ପ୍ରଗତି ପ୍ରତିଷ୍ଠାନ ଆନୁକୁଲ୍ୟରେ ଗାନ୍ଧୀ ପଦଯାତ୍ରା ଅନୁଷ୍ଠିତ ହୋଇଥିଲା । ଅନୁଷ୍ଠାନର ସଂଯୋଜକ ଅନୁପ କୁମାର ପରିଡା ତିଳୋତମ ବାରିକ ମିହିର ରଞ୍ଜନ ମୁଦୁଲି ପଦଯାତ୍ରାର ନେତୃତ୍ବ ନେଇଥିଲେ ।
ଗୋପବନ୍ଧୁଙ୍କ ଷଠିଘରେ ମହାପୁରୁଷଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରି ଆଶୀର୍ବାଦ ପ୍ରାର୍ଥନା କରିଥିଲେ । ଏହି ପଦଯାତ୍ରାରେ ସତର ଜଣ ଅଂଶଗ୍ରହଣ କରିଥିଲେ । ନୀଳାଚଳ କୃଷକ ମହାସଂଘ ପୁରୀଜିଲା ସଂଯୋଜକ ଗୋବିନ୍ଦ ମହାପାତ୍ର ସାମାଜିକ କର୍ମୀ ସୁଶୀଲ କୁମାର ସାହୁଙ୍କ ସହିତ ଅଜୟ ପ୍ରଧାନ ମନୋଜ ଜେନା ବୀଣା ଷଢଙ୍ଗି କମଳା ସାହୁ ଶରତ ପ୍ରଧାନ ଦୁଶାସନ ବେହେରା ମହେଶ୍ବର ବେହେରା ପ୍ରମୁଖ ପଦଯାତ୍ରାରେ ଭାଗନେଇଥିଲେ । ଅନୁଷ୍ଠିତ ପଥପ୍ରାନ୍ତ ସଭାରେ କରୋନା ସଚେତନତା ମାସ୍କ ହାତ ଧୋଇବା ସମଦୂରତା ଓ ନିଶା ରାକ୍ଷସ ଠାରୁ ଯୁବ ସମାଜ ନିଜକୁ ଦୂରେଇ ରଖିବା ପାଇଁ ବକ୍ତାମାନେ ନିଜ ନିଜର ବକ୍ତବ୍ୟ ରଖିଥିଲେ ।
Comments are closed.