ସେନା କ୍ୟାମ୍ପରେ ଖୁସିରେ ନାଚିଲେ ଚୀନରୁ ଫେରିଥିବା ଭାରତୀୟ ଛାତ୍ର
ନୂଆଦିଲ୍ଲୀ: ଚୀନରେ ଫଶିଥିବା ଭାରତୀୟ ଛାତ୍ର ସ୍ବଦେଶ ଫେରିବା ପରେ ସେମାନଙ୍କ ମଧ୍ୟରେ ଖୁସିର ଲହରି ଦେଖିବାକୁ ମିଳିଯାଇଛି। ରବିବାର ୨ୟ ପର୍ଯ୍ୟାୟରେ ଏୟାର ଇଣ୍ଡିଆର ଏକ ବିମାନ ୩୩୦ ଛାତ୍ରଙ୍କୁ ଚୀନର ଉହାନରୁ ଆଣି ଭାରତରେ ପହଞ୍ଚିଥିଲା। ସେମାନଙ୍କ ମଧ୍ୟରେ ୩୨୩ ଭାରତୀୟ ଛାତ୍ର ଥିବାବେଳେ ୭ ଛାତ୍ର ମାଳଦ୍ବୀପର ଥିଲେ। ବିମାନରୁ ଓହ୍ଲାଇବା ପରେ ସମସ୍ତଙ୍କର ଥର୍ମାଲ ସ୍କ୍ରିନିଂ କରାଯାଇଥିଲା। ଏହା ପରେ ସେମାନଙ୍କୁ ଭାରତୀୟ ସେନାର ମାନେସର ଏବଂ ଆଇଟିବିପିର ଛାବଲାସ୍ଥିତ କ୍ୟାମ୍ପକୁ ନେଇ ଅଲଗା ରଖାଯାଇଛି। ଭାରତ ଫେରିବା ପରେ କ୍ୟାମ୍ପରେ ଖୁସିର ମାହୋଲ ଦେଖିବାକୁ ମିଳିଥିଲା। ଛାତ୍ରମାନେ ସେଲିବ୍ରେଶନ କରିବା ସହିତ ଖୁସିରେ ନାଚଗୀତ କରୁଥିବା ଦେଖାଯାଇଛି। ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଛି।
#WATCH Indian students who were brought back from Wuhan, China, dance at the quarantine facility of Indian Army in Manesar, Haryana, where they are currently lodged. #Coronavirus (Source – Indian Army) pic.twitter.com/tGDCTO0cNX
— ANI (@ANI) February 2, 2020
Comments are closed.