ଭବାନୀପାଟଣା – ଏସ୍ ଟି ଏଫ୍ ଓ ଭବାନୀପାଟଣା ଜଙ୍ଗଲ ବିଭାଗ ପକ୍ଷରୁ ଜଣେ ବ୍ୟକ୍ତିଙ୍କ ଠାରୁ ଏକ ଚିତା ବାଘ ଚମଡା ଜବତ କରାଯାଇଛି । ସୂଚନାଯୋଗ୍ୟ , ରାଜ୍ୟ ଜଂଗଲ ବିଭାଗ ର ଏସ୍ ଟି ଏଫ ବିଶେଷ ସୂତ୍ରରୁ ଖବର ପାଇ ଅଚାନକ ଭାବରେ ଏସ୍ ଟି ଏଫ୍ କର୍ମଚାରୀ ଓ କଳାହାଣ୍ଡି ଜିଲ୍ଲାର ଉତ୍ତର ବନଖଣ୍ଡ ଅଧିନର ଭବାନୀପାଟଣା ରେଞ୍ଜ କର୍ମଚାରୀ ମିଳିତ ଭାବରେ ଭବାନୀପାଟଣା ବନ୍ୟଜନ୍ତୁ ଉତ୍ତର ରେଞ୍ଜ ଅଧିନରେ ଥିବା ଭବାନୀପାଟଣା – ରାୟଗଡା ଯାଉଥିବା ମୂଖ୍ୟ ରାସ୍ତା ର ଛତିକୁଡା ଛକ ନିକଟରେ ନର୍ଲା ଥାନା ଅଧିନର ଘଣ୍ଟମାଳ ପଞ୍ଚାୟତ ର ଗୁଣୁପୁର ଗ୍ରାମର କୃର୍ଷ ମାଝୀ ଙ୍କ ପୁଅ କୈଳାସ ମାଝୀ କୁ ଧରିଥିଲେ ।
ଏସ୍ ଟି ଏଫ ଓ ଜଙ୍ଗଲ ବିଭାଗ କର୍ମଚାରୀ ଯାଞ୍ଚ କରି କୈଳାସ ମାଝୀ ଠାରୁ ଏକ ଚିତା ବାଘ ଚମଡା ଓ ବନ୍ୟ ଜନ୍ତୁ ଶିକାର କରିବା ଅନ୍ୟାନ୍ୟ ଅପରାଧିକ ସାମଗ୍ରୀ ଜବତ କରିବାରେ ସଫଳ ହୋଇଥିଲେ । ପରେ କୈଳାସ ମାଝୀ କୁ ଏସ ଟିଏଫ୍ ଓ ଜଙ୍ଗଲ ବିଭାଗ କର୍ମଚାରୀ ଗିରଫ କରି ଅଧିକ ଜେରା କରୁଥିବା ଜଣାଯାଏ । ଏଠାରେ ସୂଚନା ଥାଉ ଯେ , ପୂର୍ବରୁ ମଧ୍ୟ ଏସ ଟି ଏଫ କଳାହାଣ୍ଡି ଜିଲ୍ଲା ର ବିଭିନ୍ନ ସ୍ଥାନରୁ ବାଘ ଚମଡା ଓ ହାତୀ ଦାନ୍ତ ଆଦି ଜବତ କରିଛି ।
Comments are closed.