ସ୍ବତନ୍ତ୍ର ଟ୍ରେନ ଚଳାଚଳ ପୁରୀ ଯାଏ ବଢ଼ିବ, କିଛି ଷ୍ଟେସନ୍ରେ ଅତିରିକ୍ତ ରହଣି ସୁବିଧା
ଭୁବନେଶ୍ବର: ସ୍ବତନ୍ତ୍ର ଟ୍ରେନର ଚଳାଚଳରେ ବୃଦ୍ଧି ଏବଂ କିଛି ଷ୍ଟେସନ୍ରେ ଏହାର ଅତିରିକ୍ତ ରହଣି ସୁବିଧା କ୍ଷେତ୍ରରେ ରେଳବାଇ କେତେକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ଗ୍ରହଣ କରିଛି। ଏହି ଅନୁଯାୟୀ, ଆସନ୍ତା ସପ୍ତାହରୁ କେତେକ ସ୍ବତନ୍ତ୍ର ଟ୍ରେନର ଚଳାଚଳକୁ ପୁରୀ ଯାଏ ବୃଦ୍ଧି କରାଯାଇଛି। ଏହାଛଡା ପହିଲାଠାରୁ କେତେକ ଷ୍ଟେସନ୍ରେ ଏହାର ଅତିରିକ୍ତ ରହଣି ସୁବିଧା ମଧ୍ୟ କରାଯାଇଛି। ଏଥିରେ ୦୧୦୧୯/୦୧୦୨୦ ମୁମ୍ବଇ-ଭୁବନେଶ୍ବର-ମୁମ୍ବଇ ସ୍ବତନ୍ତ୍ର କୋଣାର୍କ ଏକ୍ସପ୍ରେସ ଉଭୟ ଦିଗରୁ ପହିଲାରୁ ବାଲୁଗାଁ, ଛତ୍ରପୁର ଏବଂ ବ୍ରହ୍ମପୁରଠାରେ ରହଣି କରିବ। ସିକନ୍ଦରାବାଦ-ହାୱଡା-ସିକନ୍ଦରାବାଦ ଫଲକନାମା ୦୨୭୦୪/୦୨୭୦୩ ସ୍ବତନ୍ତ୍ର ଟ୍ରେନ ଉଭୟ ଦିଗରୁ ବାଲୁଗାଁ ଏବଂ ବ୍ରହ୍ମପୁରଠାରେ ରହିବ । ୦୨୫୧୦/୦୨୫୦୯ ଗୌହାଟି -ବେଙ୍ଗାଲୁରୁ-ଗୌହାଟି (ସପ୍ତାହକୁ ତିନି ଥର) ଉଭୟ ଦିଗରୁ ବାଲୁଗାଁ ଏବଂ ବ୍ରହ୍ମପୁରଠାରେ ଏବଂ ୦୨୬୬୩/୦୨୬୬୪ ହାଓଡା-ତିରିଚିରାପଲ୍ଲୀ-ହାୱଡା (ସପ୍ତାହକୁ ଦୁଇଥର) ବ୍ରହ୍ମପୁରଠାରେ ରହଣି କରିବ। ଖୋର୍ଦ୍ଧାରୋଡ-ଅହମ୍ମଦାବାଦ- ଖୋର୍ଦ୍ଧାରୋଡ ୦୨୮୪୩/୦୨୮୪୪ ସ୍ବତନ୍ତ୍ର ଟ୍ରେନ ଉଭୟ ଦିଗରୁ କାଳୁପଡାଘାଟ, ବାଲୁଗାଁ,ଖଲ୍ଲିକୋଟ, ଛତ୍ରପୁର ଏବଂ ବ୍ରହ୍ମପୁରଠାରେ ଅତିରିକ୍ତ ରହଣି କରିବ। ସେହିଭଳି ଭୁବନେଶ୍ବର-ଅହମ୍ମଦାବାଦ-ଭୁବନେଶ୍ବର ଭାୟା ସମ୍ବଲପୁର ୦୨୮୪୩/୦୨୮୪୪ ସ୍ବତନ୍ତ୍ର ଟ୍ରେନ ଉଭୟ ଦିଗରୁ ବଡପାଲ୍ଲି,ବଡମାଳ, ହରଶଙ୍କରରୋଡ ଏବଂ ନୂଆପଡାଠାରେ ଅତିରିକ୍ତ ରହଣି କରିବ। ଭୁବନେଶ୍ବର-ନୂଆଦିଲ୍ଲୀ-ଭୁବନେଶ୍ବର ସ୍ପେଶାଲ, ଭୁବନେଶ୍ବର-ସିଆଲଦା-ଭୁବନେଶ୍ବର ଦୂରନ୍ତୋ ସ୍ପେଶାଲ, ଭୁବନେଶ୍ବର-ଦୁର୍ଗ-ଭୁବନେଶ୍ବର ସ୍ପେଶାଲ, ଖୋର୍ଦ୍ଧାରୋଡ-ଅହମ୍ମଦାବାଦ-ଖୋର୍ଦ୍ଧାରୋଡ ଏବଂ ଭୁବନେଶ୍ବର-ଅହମ୍ମଦାବାଦ- ଭୁବନେଶ୍ବର ସ୍ପେଶାଲ, ଖୋର୍ଦ୍ଧାରୋଡ- ଓଖା- ଖୋର୍ଦ୍ଧାରୋଡ ଏବଂ ଖୋର୍ଦ୍ଧାରୋଡ – ଗାନ୍ଧୀଧାମ୍- ଖୋର୍ଦ୍ଧାରୋଡ ଆଦି ସ୍ବତନ୍ତ୍ର ଟ୍ରେନର ଚଳାଚଳ ପୁରୀ ଯାଏ ବୃଦ୍ଧି କରାଯାଇଛି।
Comments are closed.