MEllora 950×100

ମୋବାଇଲ୍ ସ୍କ୍ରିନ୍-ଆଖି ପାଇଁ

୨୦-୨୦-୨୦ ନିୟମ

ଛୋଟ ପିଲାଙ୍କର ମୋବାଇଲ୍, ଟାବଲେଟ୍ ସ୍କ୍ରିନ୍ ପ୍ରତି ଆକର୍ଷଣ ଟିକେ ଅଧିକ। ଯୁବପିଢ଼ି, ବୟସ୍କଙ୍କ ଆଗ୍ରହ ମଧ୍ୟ ଏ ଦିଗରେ କିଛି କମ୍ ନୁହେଁ। ଅଧିକାଂଶ ଲୋକ ଘଣ୍ଟାଘଣ୍ଟା ମୋବାଇଲ୍ ସ୍କ୍ରିନ୍‌କୁ ଚାହିଁ ବସୁଛନ୍ତି। ଏହି କାରଣରୁ ଆଖି ଉପରେ ସବୁଠୁ ଅଧିକ ଖରାପ ପ୍ରଭାବ ପଡ଼େ।

କୋଭିଡ କାରଣରୁ ବିଦ୍ୟାଳୟଗୁଡ଼ିକରେ ଅନ୍-ଲାଇନ୍ ପାଠ ପଢ଼ା ମଧ୍ୟ ଚାଲିଥିଲା। ଛାତ୍ରଛାତ୍ରୀମାନେ ଏହି ମାଧ୍ୟମରେ ପାଠ ପଢ଼ୁଥିବାବେଳେ ଆଖି ଉପରେ ବହୁତ ଚାପ ପଡ଼ୁଥିଲା। କରୋନା ପରେ ଛାତ୍ରମହଲରେ ଆଖି ସମସ୍ୟା ଅହେତୁକ ଭାବେ ବଢ଼ିଥିବା ଜଣାପଡ଼ିଛି। ଏହାର ଏକମାତ୍ର କାରଣ ହେଲା ମୋବାଇଲ୍ ସ୍କ୍ରିନ୍‌କୁ ସେମାନେ ବହୁ ସମୟ ଧରି ଚାହୁଁଥିଲେ।

ବିଶ୍ବସ୍ତରରେ ଏଇଭଳି ସମସ୍ୟା ବଢ଼ିବା ପରେ ଆମେରିକୀୟ ଚକ୍ଷୁ ସଂଘ ୨୦-୨୦-୨୦ ନିୟମ ବିଷୟରେ ସମସ୍ତଙ୍କୁ ଜଣାଇଛି। ପାଠପଢ଼ା ହେଉ କିମ୍ବା ମୋବାଇଲ୍ ସ୍କ୍ରିନ୍‌କୁ ଚାହିଁ ଅନ୍ୟ କୌଣସି କାମ କରୁଥିଲେ, ପ୍ରତି ୨୦ ମିନିଟ୍‌ରେ ୨୦ ସେକେଣ୍ଡ ବିରତି ନେବେ। ଆପଣଙ୍କର ମନେ ନ ରହିଲେ, ଫୋନ୍‌ରେ ଆଲାର୍ମ ଦେଇପାରିବେ। ତା’ ସହ ସ୍କ୍ରିନ୍‌‌ରୁ ଆଖି ଫେରାଇବା ମାତ୍ରକେ ନିଜଠାରୁ ୨୦ ଫୁଟ୍‌ ଦୂରରେ ଥିବା ପ୍ରତିଟି ଜିନିଷକୁ ଭଲଭାବେ ଦେଖିବାକୁ ଚେଷ୍ଟା କରନ୍ତୁ। ଏମିତି କଲେ ଆଖିରେ ଯନ୍ତ୍ରଣା କମ୍ ହେବା ସହ ଅନ୍ୟାନ୍ୟ ସମସ୍ୟା ମଧ୍ୟ ଦୂର ହୋଇଯିବ ବୋଲି ବିଶେଷଜ୍ଞ ଦଳ କହିଛନ୍ତି।

Comments are closed.