କରୋନାରୁ ସୁସ୍ଥ ହେବା ପରେ ଉଡ଼ିଯାଇଛି ସୋନୁ ସୁଦ୍‌ଙ୍କ ନିଦ

ନୂଆଦିଲ୍ଲୀ: ବଲିଉଡ଼ ଅଭିନେତା ସୋନୁ ସୁଦ୍ କରୋନାରୁ ସୁସ୍ଥ ହୋଇ ଲୋକଙ୍କ ସାହାଯ୍ୟ ପାଇଁ ପୁଣି ଆଗେଇ ଆସିଛନ୍ତି। ଶନିବାର ଅଭିନେତା ଟ୍ବିଟ୍ କରି ପ୍ରଶଂସକଙ୍କୁ ସୂଚନା ଦେଇଛନ୍ତି ଯେ, ସେ କୋଭିଡ଼୍-୧୯ ଯୁଦ୍ଧରେ ଲଢେଇ ଜିତି ଫେରି ଆସିଛନ୍ତି। ଆମ ସମସ୍ତଙ୍କୁ ଏକତା ଓ ପରସ୍ପରକୁ ସାହାଯ୍ୟ କରିବାର ଆବଶ୍ୟକତା ଅଛି ବୋଲି ସେ କହିଛନ୍ତି।

ସୁସ୍ଥ ହେବା ପରେ ହଜିଯାଇଛି ସୋନୁଙ୍କ ନିଦ:

ସୋନୁ ଟ୍ବିଟ୍ କରି କହିଛନ୍ତି ଯେ, ସୁସ୍ଥ ହେବା ପରେ ରାତିରେ ସେ ଭଲରେ ଶୋଇପାରୁ ନାହାନ୍ତି। ଏହାସହ ସେ ଏହାର କାରଣ ମଧ୍ୟ କହିଛନ୍ତି। ସୋନୁ ଲେଖିଛନ୍ତି, ‘‘ଶୋଇ ପାରୁନାହିଁ। ବିଳମ୍ବିତ ରାତିରେ ଯେତେବେଳେ ମୋ ଫୋନ୍ ବାଜୁଛି, ସେତେବେଳେ ମୁଁ କେବଳ ଲୋକଙ୍କର ସେହି କଷ୍ଟଭରା ସ୍ବର ଶୁଣୁଛି। ନିଜ ଲୋକମାନଙ୍କୁ ବଞ୍ଚାଇବା ପାଇଁ ସେମାନେ ସାହାଯ୍ୟ ଭିକ୍ଷା କରୁଛନ୍ତି। ଆମେ ସମସ୍ତେ ବର୍ତ୍ତମାନ ଏକ କଠିନ ସମୟ ଦେଇ ଗତି କରୁଛେ ଏବଂ ଆମ ଆସନ୍ତାକାଲି ଭଲ ହେବାକୁ ଯାଉଛି। ଏକତା ବଜାୟ ରଖନ୍ତୁ ଓ ପରସ୍ପରର ସାହାଯ୍ୟ କରନ୍ତୁ। ନିଜକୁ ଦୃଢ କରନ୍ତୁ। ଆମେ ସମସ୍ତେ ଏକାଠି ଏହି ଯୁଦ୍ଧ ଜିତିବା। ବାସ୍ କେବଳ ଆଉ କିଛି ଲୋକଙ୍କ ସହଯୋଗ ଆବଶ୍ୟକ’’।

Can’t sleep..
In the middle of night when my phone rings, all I can hear is a desperate voice pleading to save his/her loved ones. We are living in tough times but tomorrow is going to be better, just hold your reigns tight.
Together we will win. Just we need some more hands???

— sonu sood (@SonuSood) April 23, 2021