ମହାରାଷ୍ଟ୍ର ସରକାରଙ୍କୁ କଙ୍ଗନାଙ୍କ ଆକ୍ଷେପ: ‘ବାବର ସେନା’ଠାରୁ ’ସୋନିଆ ସେନା’ ଆହୁରି ଖରାପ

ବଲିଉଡ ଅଭିନେତ୍ରୀ କଙ୍ଗନା ରଣାୱତ ପୁଣି ଥରେ ମହାରାଷ୍ଟ୍ରର ଉଦ୍ଧବ ଠାକରେ ସରକାରକୁ ନିଶାଣ କରିଛନ୍ତି । ଉଦ୍ଧବ ସରକାରକୁ ଗୁଣ୍ଡା ସରକାର ବୋଲି ଉଲ୍ଲେଖ କରିଛନ୍ତି । ଟ୍ବିଟ୍ କରି ସେ କହିଛନ୍ତି ଯେ ଗୁଣ୍ଡା ସରକାର ବାର୍ ଓ ରେଷ୍ଟୁରାଣ୍ଟ ଖୋଲିବାକୁ ଅନୁମତି ଦେଇଛି, ମାତ୍ର ମନ୍ଦିର ଖୋଲିବାକୁ ଅନୁମତି ଦେଉନାହିଁ । ମହାରାଷ୍ଟ୍ରରେ ମନ୍ଦିର ଖୋଲିବା ସମ୍ପର୍କରେ ରାଜ୍ୟପାଳ ମହାରାଷ୍ଟ୍ର ସରକାରଙ୍କୁ ଚିଠି ଲେଖିବା ସଂକ୍ରାନ୍ତ ଖବର ମିଳିବା ପରେ କଙ୍ଗନା ଏପରି ଟ୍ବିଟ୍ କରିଛନ୍ତି ।

Nice to know Gunda government is being questioned by Honourable Governor sir, Gundas have opened bars and restaurants but strategically keeping temples shut. Sonia Sena is behaving worse than Babur Sena …. #Governor https://t.co/qgLDxB9erd

— Kangana Ranaut (@KanganaTeam) October 13, 2020

କଙ୍ଗନା ଟ୍ୱିଟ୍ କରି କହିଛନ୍ତି ଯେ ମାନ୍ୟବର ରାଜ୍ୟପାଳ ଗୁଣ୍ଡା ସରକାରଙ୍କୁ ମନ୍ଦିର ଖୋଲିବା ନେଇ  ପ୍ରଶ୍ନ କରିଛନ୍ତି । ଗୁଣ୍ଡା ସରକାର  ବାର୍ ଏବଂ ରେଷ୍ଟୁରାଣ୍ଟ ଖୋଲିଛନ୍ତି, କିନ୍ତୁ  ମନ୍ଦିରଗୁଡ଼ିକୁ ବନ୍ଦ କରି ରଖିଛନ୍ତି | ବାବର ସେନା ଠାରୁ ସୋନିଆ ସେନା ଆହୁରି ଖରାପ ବ୍ୟବହାର କରୁଛି ।

ଅନ୍ୟପକ୍ଷରେ  ମହାରାଷ୍ଟ୍ର ମୁଖ୍ୟମନ୍ତ୍ରୀ ଉଦ୍ଧବ ଠାକରେ ରାଜ୍ୟପାଳ ଭାଗବତ ସିଂ କୋଶିଆରିଙ୍କୁ ମନ୍ଦିର ଖୋଲିବା ନେଇ   ଏକ ଚିଠି ଲେଖିଛନ୍ତି । ରାଜ୍ୟରେ କୋଭିଡ -୧୯ ସହ ଜଡିତ ପରିସ୍ଥିତିର ପୁଙ୍ଖାନୁପୁଙ୍ଖ ସମୀକ୍ଷା କରିବା ପରେ ଧାର୍ମିକ ସ୍ଥାନ ଖୋଲିବାକୁ ନିଷ୍ପତ୍ତି ନିଆଯିବ ବୋଲି ଏଥିରେ ଉଲ୍ଲେଖ କରାଯାଇଛି ।

Bullywood the gutter of drugs, exploitation, nepotism and jihad it’s lid is off instead of cleaning this gutter #BollywoodStrikesBack well file a case on me also, till the time I am alive I will continue to expose you all #BollywoodStrikesBack https://t.co/TORYVWQYa0

— Kangana Ranaut (@KanganaTeam) October 12, 2020

ଏହାପୂର୍ବରୁ ୩୪ ଜଣ ବଲିଉଡ଼ ପ୍ରଯୋଜକ ସଂସ୍ଥା ରିପବ୍ଲିକ୍ ଟିଭିର ଅର୍ଣ୍ଣବ ଗୋସ୍ୱାମୀ, ପ୍ରଦୀପ ଭଣ୍ଡାରୀ, ଟାଇମ୍ସ ନାଓର ରାହୁଲ ଶିବଶଙ୍କର ଏବଂ ନବିକା କୁମାରଙ୍କ ବିରୋଧରେ ଦିଲ୍ଲୀରେ ମକଦ୍ଦମା ପ୍ରସଙ୍ଗରେ କଙ୍ଗନା ମଧ୍ୟ ଟ୍ବିଟ କରିଥିଲେ । ସେଥିରେ ସେ ଲେଖିଥିଲେ ଯେ ବଲିଉଡ ହେଉଛି ଡ୍ରଗ୍ସ, ଶୋଷଣ, ପରିବାରବାଦ ଏବଂ ଜିହାଦ୍। ବଲିଉଡ଼କୁ ନଳା ବୋଲି ଉଲ୍ଲେଖ କରି କଙ୍ଗନା କିଛି ବଡ଼ ଅଭିନେତା ଓ ଅଭିନେତ୍ରୀଙ୍କ ଉପରେ କଟୁ ମନ୍ତବ୍ୟ ଦେଇଛନ୍ତି ।
ସେ ଅନ୍ୟ ଏକ ଟ୍ୱିଟରେ ଲେଖିଛନ୍ତି ‘ବଡ ତାରକା କେବଳ ମହିଳାଙ୍କ ପ୍ରତି ଖରାପ ବ୍ୟବହାର କରନ୍ତି ନାହିଁ ବରଂ ଯୁବକ ଯୁବତୀଙ୍କୁ ମଧ୍ୟ ଶୋଷଣ କରନ୍ତି। ସେମାନେ ସୁଶାନ୍ତ ସିଂ ରାଜପୁତଙ୍କ ପରି ଯୁବ ତାରକାଙ୍କୁ ଆଗକୁ ବଢ଼ିବାକୁ ଦିଅନ୍ତି ନାହିଁ । ସେମାନେ କାହା ବିପଦରେ ଠିଆ ହୁଅନ୍ତି ନାହିଁ ।  ତୁମେ ମୋର ରହସ୍ୟ ଲୁଚାଇଛ, ମୁଁ ମୁଁ ତୁମକୁ ଲୁଚାଇବି ଧାରାରେ ବଲିଉଡ଼ର ବଡ଼ ତାରକାମାନେ କାମ କରୁଛନ୍ତିବୋଲି କଙ୍ଗନା କହିଛନ୍ତି ।