MEllora 950×100

୫ ଫୁଟର ନାଗ ସାପ ଉଦ୍ଧାର

ସାରନଗରୀ : ରାଜଗାଙ୍ଗପୁରସ୍ଥିତ ବଗିଚାପଡ଼ା ଅଂଚଳରୁୁ ଆଜି ଏକ ନାଗ ସାପ ଉଦ୍ଧାର ହୋଇଛି । ସାପଟିର ଲମ୍ବ ପ୍ରାୟ ୫ ଫୁଟ ହେବ ବୋଲି ଅନୁମାନ କରାଯାଉଛି । ମିଳିଥିବା ସୂଚନା ଅନୁଯାୟୀ, ରାଗଗାଙ୍ଗପୁର ବଗିଚାପଡ଼ା ଅଂଚଳରେ ବାସ କରୁଥିବା ଦୀନେଶ ସାହୁ ତାଙ୍କ ଷ୍ଟୋର ରୁମରେ ଏକ ନାଗ ସାପଟିକୁ ଦେଖିବାକୁ ପାଇଥିଲେ । ସେ କାଳବିଳମ୍ବ ନକରି ଏହି ଘଟଣା ସମ୍ପର୍କରେ ସ୍ୱେଛାସେବୀ ତଥା ବରିଷ୍ଠ ସାପଧରାଳୀ ଦେବାନନ୍ଦ ବେହେରାଙ୍କୁ ଫୋନ ଯୋଗେ ଖବର ଦେଇଥିଲେ । ସୂଚନା ପାଇ ସାପଧରାଳୀ ଶ୍ରୀ ବେହେରା ଘଟଣା ସ୍ଥଳରେ ପହଂଚି ସାପ ଉଦ୍ଧାର କାର୍ୟ୍ୟରେ ନିୟୋଜିତ ହୋଇଥିଲେ । କିଛି ସମୟ ପରେ ପାଂଚ ଫୁଟର ଉକ୍ତ ନାଗ ସାପକୁ ଆୟତକୁ ଅଣା ଯାଇଥିଲା । ଏହା ପରେ ବନବିଭାଗ ସହାୟତାରେ ନାଗସାପକୁ ପ୍ରାକୃତିକ ଆବାସସ୍ଥଳୀରେ ଛାଡ଼ି ଦିଆଯାଇଥିବା ଜଣାପଡ଼ିଛି ।

Comments are closed.