ବ୍ରହ୍ମବରଦା: ବ୍ରହ୍ମବରଦା ଥାନା ଅନ୍ତର୍ଗତ ବନ୍ଧଢିହ ପଞ୍ଚାୟତ ସାହାପଡ଼ା ଗ୍ରାମର ଇନ୍ଦ୍ରମଣି ପରିଡା (୬୩)ବର୍ଷ ବ୍ରହ୍ମବରଦା ଷ୍ଟେଟବ୍ୟାଙ୍କ ଅଫ୍ ଇଣ୍ଡିଆ ଶାଖାରୁ ୪ଲକ୍ଷ ୨୦ହଜାର ଟଙ୍କା ଉଠାଇ ମଟର ସାଇକେଲରେ ଘରକୁ ଯିବା ସମୟରେ ଦୁଇଟି ମଟର ସାଇକେଲରେ ୪ଜଣ ଯୁବକ ଇନ୍ଦ୍ରମଣିଙ୍କ ପିଛାକରି ବ୍ରହ୍ମବରଦା ମାଛ ମାର୍କେଟ ପାଖରୁ କୌଶଳ କ୍ରମେ ତାଙ୍କ ଟଙ୍କା ବ୍ୟାଗଟିକୁ ଝାମ୍ପିନେଇ ଦ୍ରୁତଗତିରେ ନାଳକୂଳ ଆଡକୁ ପଳାଇ ଯିବା ସମୟର ଲୁଟେରାଙ୍କ ମଟର ସାଇକେଲକୁ ପିଛାକରି ଇନ୍ଦ୍ରମଣି ୪ଜଣଙ୍କ ମଧ୍ୟରୁ ଗୋଟିଏ ମଟର ସାଇକେଲ ସହିତ ୨ଜଣଙ୍କୁ ଦୁବୃର୍ତ୍ତଙ୍କୁ ନାଳକୁଳ ପାଖରୁ ଧରିବାରେ ସଫଳ ହୋଇଥିଲେ। ଟଙ୍କା ବ୍ୟାଗଟିକୁ ଝାମ୍ପିନେଇ ଥିବା ବାକି ୨ଜଣ ସେଠାରୁ ଖସି ପଳାଇ ଯାଇଥିଲେ। କାବୁ ହୋଇଥିବା ୨ଜଣଙ୍କୁ ବ୍ରହ୍ମବରଦା ଥାନାରେ ଜିମା ଦିଆଯିବା ସହ ଏଘଟଣା ସମ୍ପର୍କରେ ଇନ୍ଦ୍ରମଣୀ ବ୍ରହ୍ମବରଦା ଥାନାରେ ଏକ ଲିଖିତ ଅଭିଯୋଗ କରିଛନ୍ତି। ବ୍ରହ୍ମବରଦା ଥାନା ପୁଲିସ ଘଟଣା ଉପରେ ତଦନ୍ତ ଜାରି ରଖିଛି।
Comments are closed.